Isamu 10:1-18
ל [Lamed]
10 We Yeova u mulandu ci uno ukaimililila katalamukila?
U mulandu ci uno ukafisamila umu nsita ya ntazi?
2 Umuntu umwipe akazinganya cilumba cilumba umuntu aatakweti uwa kumwazwaLelo alalemwa umu mapange yakwe kwene.
3 Pano umwipe akaitakizizya umu lunkumbwa lwakweNupya akapaala aalunkumbwa;*נ [Nun]Akasaalula Yeova.
4 Umuntu umwipe asilondelezya pa mulandu ni cilumba;Akaelenganya ukuti: “Kutaya Leza.”
5 Vino akacita vikapitika ningoLelo asiiluka upinguzi wako;Akatumfya alwani yakwe yonsi.
6 Akalanda umu mwenzo wakwe ati: “Ntalatala ntekanyiziwe;Uku nkulo ni nkuloNtalatala indolepo intazi.”
פ [Pe]
7 Mu kanwa kakwe mwazuula ivitiipu, ufi ni vintiinya;Akaomvya ululimi lwakwe uku kuleta intazi nu kusosya yauze.
8 Akateyamila pakuti azanze umupiipi nu mukaikala antu;Akakoma antu ya kaele umu ncende ino akafisamamo.
ע [Ayin]
Amanso yakwe yakalolekesya uwakuti azanze.
9 Akateyamila umu ncende yakwe kwati a cisama aali muno akafisama.
Akaloleela ukulema umuntu aatakweti uwa kumwazwa.
Akalema aatakweti uwa kumwazwa ukuomvya isumbo lyakwe.
10 Umuntu aatakweti uwa kumwazwa akatitikiziwa nu kupona pansi;Akaponela umu makasa ya mwipe.
11 Umwipe akalanda umu mwenzo wakwe ati: “Leza wilila uku viipe vino nkacita.
Asisakamala.
Nupya asiikako mano.”
ק [Qoph]
12 We Yeova, katuka. Katusya ikasa lyako we Leza.
Utilila antu aatakweti uwa kuyazwa.
13 U mulandu ci uno umwipe akasaalwila Leza?
Akalanda umu mwenzo wakwe ati: “Utalampeela umulandu.”
ר [Resh]
14 Lelo wemo ukalola intazi nu kucuula.
Ukalolekesya vintu vivyo nu kuombelapo.
Aakucuziwa yakaiza kuli wewe;Wewe ukaazwa ana ya nsiwa.
ש [Shin]
15 Vunola makasa ya mwipe,Pakuti lino ulalondelezya iviipe vyakwe,Utaca uvizane.
16 Yeova u mwene wa manda pe.
Inko zyalowa umu nsi.
ת [Taw]
17 We Yeova, uluvwa ukulenga kwa yantu aafuuke.
Ulayakomelezya nu kukutikisya kuli aliyo.
18 Ulapingula umu mulinganya umwana wa nsiwa na yano yatitikiziwa,Pakuti umuntu umwina kufwa ataca ayatiinye nupya.
Mafutunoti
^ Nanti limwi, “aakaipaala umwineco.”
