Isamu 101:1-8
Lwimbo luno Devedi wimvile. Lwimbo.
101 Indiimba pa kutemwa kwa cumi na pa mulinganya.
Ndakwimbila we Yeova inyimbo zya kukulumbanya.
2 Ndacita ivintu mu mucenjelo nupya ndaya uwa kaele,
A lilaci lino uliza kuli nene?
Ndaya uwa kaele umu mwenzo wane lino indi umu ng’anda yane.
3 Ntalika icintu icili consi ca sile sile pa nkoleelo yane.
Napata vicitwa vyakwe yayo aakata ukucita ivilungame;Ntalacitako vino yakacita.
4 Ntakwata umwenzo wa usomvi;Ntalazumila ukucita iciipe.
5 Ali wensi aakalanda iviipe pa muze umu nkama,Ndamumyalalika.
Ntalalekapo sile pa vicitwa vya muntu ali wensi aakaitumika,Nupya uwaya ni cilumba.
6 Ndacindamika antu ya cisinka aaya umu nsi,Pakuti yakikale pamwi nani.
Umuntu wensi uwa kaele alambombela.
7 Kusi umuntu wa ucenjezi alikala umu ng’anda yane,Nupya umuntu aakabepa atalaya apa nkoleelo yane.
8 Cila katondo ndaamyalalika aipe yonsi umu nsi,Nu kufumya ya kacita ya viipe yonsi umu musumba wakwe Yeova.
