Isamu 102:1-28
Ipepo lyakwe wino akucuziwa lino watasakamikwa nupya wanena Yeova ivikumusakamika.
102 We Yeova, uvwa ipepo lyane;Leka ukulenga kwane kufike kuli wewe.
2 Utafisa icinso cako kuli nene umu nsita ya ntazi.
Kutika kuli nene;Ngasuke zuwa lino nalenga kuli wewe.
3 Pano manda yane yakupita wa cunsi,Nupya mafupa yane yakupya kwati yali umu moto.
4 Umwenzo wane uli wi sote ilyatilipya na kasanya nupya iuma,Pano nkailila ukulya.
5 Pa mulandu wakuti nkuteta sana,Mafupa yane iyalematila uku munyefu.
6 Indi wa mukanga wa mu lwanga;Indi wa kapululu kanono umu vitotela.
7 Nkalaala ala nkulola;Naya wa kunyi akali konga pi paala.
8 Uwanda onsi alwani yane yakantumfya.
Yayo aakansoweka yakantuka ukuomvya izina lyane.
9 Pano itwi ali vyakulya vyane,Nupya ivyakumwa vyane vyuminkana na minsozi,
10 Pa mulandu nu kali wako ni cipyu cako,Pano wankatwisye pakuti sile uunsumbe.
11 Manda yane yali wa cinzingwa,Nupya nkuonza wi sote.
12 Lelo wemo we Yeova watwalilila ukuyako lyonsi,Nupya ulatwalilila ukuyako uku nkulo zyonsi.
13 Mu cumi ulakatuka nu kulanga Zioni uluse,Pano yii iinsita ya kumulanga uluse;Insita iimikwa yatifika.
14 Pano aomvi yako yakasansamukila mu mawe amu ZioniNupya yatemwa nu lukungu kwene ulwayamo.
15 Antu amu nko yalatiina izina lyakwe Yeova,Nupya aene yonsi amu nsi yalatiina ululumbi lwako.
16 Pano Yeova alakuula cipya cipya Zioni;Alalenga ululumbi lwakwe lumanyikwe.
17 Aluvwa mapepo ya yantu asuulwe;Atalasuula mapepo yao.
18 Amazwi yaa yalembelwa inkulo ya ku nkoleelo,Pakuti antu atatala yayako yace yalumbanye Jah.
19 Pano akalola pansi ukufuma umu ncende yakwe iya muzilo umupela,Yeova akalola insi ukufuma umu mayulu,
20 Pakuti auvwe ukulila kwa yafungwa,Nu kukulula aapingulwa ukufwa,
21 Pakuti izina lyakwe Yeova lice lisimikilwe mu ZioniNu kumulumbanya umu Yelusalemu,
22 Lino antu na maweneYalakongana pamwi ku kuombela Yeova.
23 Wamposile zuwa amaka;Wacefizye manda yane.
24 Natiile: “We Leza wane,Utaputukizya umi wane,Wemuno wayako uku nkulo zyonsi.
25 Wimike imifula ya nsi mpiti sana,Nupya mayulu i milimo ya minwe yako.
26 Vilononeka lelo wemo ulatwalilila ukuyako;Vilasila wakwe vino icakuzwala cikasila.
Ulavipyanikizyapo wa nsalu nupya vilata ukuyako.
27 Lelo wemo usisenuka, nupya ulatwalilila ukuyako.
28 Ana ya yaomvi yako yalatwalilila ukuya acingililwe,Nupya ana yao yalatwalilila ukuya apa nkoleelo yako.”
