Isamu 106:1-48
106 Lumbanyini Jah!*
Taizyini Yeova, pano u musuma;Kutemwa kwakwe ukwa cumi kukaikalilila amanda pe.
2 A weni angalanda pa milimo yakwe Yeova yonsi iya makaNanti ukusimikila pa vintu vyonsi vya lulumbi vino wacita?
3 Ansansa a yayo aakacita ivintu vya mulinganya,Aakacita ivilungame lyonsi.
4 Njiusye we Yeova lino ukulanga uluse uku yantu yako.
Unsakamale nu kumpususya,
5 Pakuti ningaipakizya ivintu visuma vino ukapeela asoololwe yako,Nu kusansamukila pamwi nu luko lwako,Pakuti ningaitakizizya muli wewe pamwi ni ca upyanyi cako.
6 Ituyembuka wakwe vino ivikolwe vitu vyayembwike;Ituluvyanya, itucita iviipe.
7 Ivikolwe vitu umu Ijipti vitataizyanga apa milimo yako iya kuzungusya.
Vitiwisye ukutemwa kwako ukwa cumi ukukalamba,Lelo vyakupondokiile pali yemba, kuli kuti pali Yemba Muyenzu.
8 Lelo wayapuswisye pa mulandu ni izina lyakwe,Pakuti alenge amaka yakwe ukumanyikwa.
9 Wakalipiile Yemba Muyenzu nawe uumile;Wayatungulwile ukulamba pazike apa musili uume kwati umu lwanga;
10 Wayapuswisye kuli yano yayapasileNu kuyapokolola uku yalwani.
11 Amanzi yavimbilikizye alwani yao;Kutaali nanti awenga uwapuswike.
12 Lyene yaataile ulayo wakwe;Yatandike ukwimba inyimbo zya kumulumbanya.
13 Lelo iilile zuwa vino wacisile;Yatalolezile ukuti ayanene ivya kucita.
14 Yaali na ukaitemwe;Nupya yezizye Leza umu lwanga.
15 Wayapeezile vino yamulenzile,Lelo wayafulwile nu ulwale uwipisye uwalenzile ukuti yasile amaka nu kufwa.
16 Yatandike ukuvwila Mose uzuwa umu nkambiNa Aloni uwa muzilo wakwe Yeova.
17 Lyene umusili wayulike nu kuyamila DataniNupya wavimbilikizye yonsi aali pamwi na Abilamu.
18 Umoto wasile api umba lyao;Nupya icimbilimbili cosile antu aipe.
19 Yapanzile akana ka ng’ombe umu HolebuNu kufukamila icinkolanya ca cela;
20 Yapeezile ululumbi luno yaali nu nkupeelaKu cinkolanya ca ng’ombe ikalya isote.
21 Iilile Leza kapususya wao,Uwacisile ivintu ivikalamba umu Ijipti,
22 Imilimo ya kuzungusya umu mpanga yakwe Hamu,Ni milimo ya koofya pali Yemba Muyenzu.
23 Wali apiipi nu kuyalovya,Lelo Mose umusoololwe wakwe wayapaapatileko kuli aliwePakuti ataleta uononesi pa mulandu nu ukali wakwe.
24 Lyene yalanzile iviipe pa mpanga isuma;Yatataile ulayo wakwe.
25 Yatwaliliile ukuilizyanya umu matenti yao;Yatakutike ukwi zwi lwakwe Yeova.
26 Fwandi wakatwisye ikasa lyakwe nu kulapa ukulozya kuli aliyo ukutiWali nu kuyalenga ukupona umu lwanga;
27 Wali nu kulenga ana yao ukucimviwa uku nko,Nupya wali nu kuyasalanganya umu mpanga izipusanepusane.
28 Lyene yatandike ukupepa Baali uwa ku Peoli,Nupya yalyanga amalambo apeelwanga uku yafwe.*
29 Yamusosizye pa mulandu ni vicitwa vyao,Nupya icikuko cayaponiile.
30 Nomba Finiasi wakatwike nu kucitapo cimwi,I calenzile icikuko ukwimilila.
31 Nupya cii calenzile ukuti aalolwa ukuti u mulungamiUku nkulo zyonsi amanda pe.
32 Yamusosizye pa manzi ya Meliba,*Nupya ivintu vipiile Mose pa mulandu wao.
33 Yasosizye Mose,Nupya walanzile zuwa zuwa ukwaula ukwelenganya.
34 Yatakomile antu amu nko,Wakwe vino Yeova wayanenyile.
35 Lelo yuminkine na amu nkoNu kutandika ukucita vino amu nko yacitanga.
36 Yatwalilile ukuombela ivilubi vya yantu ya mu nko,Nupya vizile iviya iciteyo kuli aliyo.
37 Yapeelanga ana yao alumendoNa akazyana amalambo uku viwa.
38 Yatwalilile ukuzwisya uwazi wa yantu akaele,Uwazi wa yana yao alumendo na akazyanaYano yapeelanga malambo ku vilubi vya mu Kenani;Nupya impanga yakowile pa mulandu nu kuzwisya uwazi.
39 Yakowile pa mulandu ni milimo yaoYacisile uzelele muli ukapepa pa mulandu ni vicitwa vyao.
40 Fwandi Yeova wakalipe sana pa yantu yakwe,Nupya wapasile ica upyanyi cakwe.
41 Ilingi wayapeelanga uku yantu ya mu nko,Pakuti aayapasile yayateeka.
42 Alwani yao yayatitikizyanga,Nu kulenga Aina Izlaeli ukuti yayatontela.
43 Insita izingi wayapususyanga,Lelo yamupondokelanga nu kukanamuvwila,Nupya pa mulandu nu kuluvyanya kwao yazewananga.
44 Lelo walolanga ukucuula kwaoNupya uvwanga ukulila kwao ukwakulenga uwazwilizyo.
45 Pa mulandu wao, wiusyanga upangano wakwe,Nupya wayuvwilanga uluse pa mulandu nu kutemwa kwakwe ukwa cumi ukukalamba.
46 Walenganga ukuti yonsiAayansendanga umu uzya yayuvwile uluse.
47 Si tupususye we Yeova Leza witu,Nu kutukolonganika ukufuma umu nkoPakuti tungataizya izina lyako ilya muziloNu kusansamukila umu kukulumbanya.
48 Si Yeova Leza wa Ina Izlaeli alumbanyiziweAmanda pe.
Nupya antu yonsi yalande yati, “Ameni!”
Lumbanyini Jah!*
Mafutunoti
^ Nanti “Aleluya!” “Jah” iinzila iipi iya kulembelamo izina lyakuti Yeova.
^ Kuli kuti, malambo aapeelwanga ku yantu afwe nanti kuli ya leza aataya nu umi.
^ Icikapiliula ukuti “ukulemanila.”
^ Nanti “Aleluya!” “Jah” iinzila iipi iya kulembelamo izina lyakuti Yeova.
