Isamu 107:1-43
107 Taizyini Yeova pano u musuma;Ukutemwa kwakwe ukwa cumi kukaikalilila amanda pe.
2 Si yano Yeova wapususya avino yalande,Kuli kuti yano wakulula uku yalwani,
3 Yano wakolonganike pamwi ukufuma umu mpanga izipusanepusane,Kuli kuti ukufuma uku ufumondaka nu kufuma uku uwondaka,Ukufuma uku katutu nu kufuma uku kaeya.
4 Yalulumbanga umu lwanga;Yatazanyile inzila iya kupitamo pa kuya uku musumba uno yaali nu kwikalamo.
5 Yali ni nzala nu lusala;Nupya kwasile panono ukuti yafwe pa mulandu nu kutonta.
6 Yatwalilile ukulilila kuli Yeova lino yaculanga;Wayapuswisye umu ntazi zyao.
7 Walesile ukuti yapite umu nzila muno yalinzile ukupitamoUkuya uku musumba uno yalinzile ukwikalamo.
8 Si antu yataizye Yeova pa kutemwa kwakwe ukwa cumiNa pa milimo yakwe iya kuzungusya ino akacitila ana ya yantu.
9 Pano akapeela ali nu lusala amanzi yakumwaNupya akapeela ali ni nzala ivintu ivisuma.
10 Yamwi iikalanga umu mfinzi iipisye,Afungwa yaculanga nupya yayanyepanga umu maceni.
11 Pano yapondokiile izwi lwakwe Leza;Yatacindike ukusunda kwa wa Papelapela.
12 Walenzile ukuti yaicefye lino walesile ukuti yacule;Yapumikanga nupya kutaali uwakuyazwa.
13 Yalenzile uwazwilizyo kuli Yeova lino yaculanga;Wayapuswisye umu ntazi zyao.
14 Wayafumizye umu mfinzi ikalamba,Nupya waputwile amaceni yano yayanyepiilemo.
15 Si antu yataizye Yeova pa kutemwa kwakwe ukwa cumiNa pa milimo yakwe iya kuzungusya ino akacitila ana ya yantu.
16 Pano Wataonona ivisaasa vyakwe koopaNu kuputula imifikilo ya cela.
17 Yaali awelewele nupya yacuzilePa mulandu ni membu zyao nu kuluvyanya kwao.
18 Yatiile ukulondesya ukulya ivyakulya vyonsi;Yaali apiipi nu kufwa.
19 Yalenganga uwazwilizyo kuli Yeova lino yaculanga;Wayapususyanga umu ntazi zyao.
20 Watumanga izwi lyakwe nu kuyapozyaNupya wayapususyanga umu viwina vino yaponelangamo.
21 Si antu yataizye Yeova pa kutemwa kwakwe ukwa cumiNa pa milimo yakwe iya kuzungusya ino akacitila ana ya yantu.
22 Kayapeele amalambo yakutaizyaNu kulanda pa milimo yakwe ala yakupunda ni nsansa.
23 Yayo aakapita pali yemba umu vimawato,Aakacita uculuzi pa manzi aingi,
24 Yalola imilimo yakwe YeovaNupya yalola imilimo yakwe iya kuzungusya umu manzi azike;
25 Vino umuza ukakatuka pa mulandu ni zwi lyakwe,Nu kukatusya maimbi pali yemba.
26 Yakakatuka umupela;Nu kuitama pali yemba.
Ukusipa kwao kukasila pa mulandu nu uzanzo uungacitika.
27 Yakapempezyoka nu kupumeeka wa muntu watakoleka,Nupya imilimo yao yonsi ino yamanya iikaya iya sile sile.
28 Lyene yakalilila kuli Yeova lino yakucula,Nupya akayapususya umu ntazi zyao.
29 Akalesya umuza;Maimbi ya pali yemba yakalaala.
30 Yakasansamuka ndi cakuti umuza na maimbi vyalaala,Akayatungulula uku cituntu cino yakulonda ukuyako.
31 Si antu yataizye Yeova pa kutemwa kwakwe ukwa cumiNa pa milimo yakwe iya kuzungusya ino akacitila ana ya yantu.
32 Lekini yamulumbanya umu cilongano ca yantu,Nupya lekini yamulumbanye umwi umba lya yakalamba.
33 Akasenula inguzi iziya u lwangaNu tufukoka twa manzi ituya i mpanga iyume,
34 Impanga ya muvundo ikaaya impanga ya musilya umutaya nanti acimwi.Pa mulandu ni vicitwa iviipe ivya yantu aikalamo.
35 Akasenula ulwanga uluya impanga ya manzi na matete,Ni mpanga iyume iiya utufukoka twa manzi.
36 Akaleka aali ni nzala iyaikala mumu kwene,Pakuti yangapanga umusumba muno yangikala.
37 Yakakomela imbezu umu vyalo nu kulema imyangaziUmukaaya sana ivilimwa.
38 Akayapaala nupya yakavula;Asileka ing’ombe zyao ukucepa.
39 Nomba lyene yakacepa nu kuzewanaPa mulandu nu kuyacuzya alino ni intazi nu ulanda.
40 Akazewanya antu aacindikweNupya akalenga yalulumba umu lwanga umutaya imiseo.
41 Lelo akacingilila antu aapiina ku yantu aakuyacuzyaNupya akalenga indupwa zyao ukuvula wa mfwele.
42 Alungame yakalola vii nu kusansamuka;Lelo aatalungama yasilanda nanti acimwi.
43 Wensi uwa mano alalola ivintu viiNupya alaelenganya pali vino Yeova akacita pa mulandu nu kutemwa kwakwe ukwa cumi.
