Isamu 11:1-7
Ku mukalamba wakwe ya kiimba. Lwimbo luno Devedi wimvile.
11 Nkafisama muli Yeova.
Fwandi u mulandu ci uno munganenela muti:
“Utukila uku mwamba wakwe vino cunyi cikacita.
2 Lola vino antu aipe yakayendamika ulapwa.Yakaika inceto umu ntambo ya ulapwa.Pakuti yalase antu alungame umu mfinzi.
3 Ndi cakuti imifula yononwa,I vyani vino umulungami angacita?”
4 Yeova akaikala umwi tempele lyakwe ilya muzilo.
Cilimba cakwe Yeova ica wene caya ukwi yulu.
Akalola nu kuceceta ana ya yantu.
5 Yeova akaceceta umulungami nu mwipe kwene.Nupya wapata wensi uwatemwa unkalwe.
6 Alaleka iviteyo* viponele umwipe;Umoto, mawe ya moto nu muza ukaye vilaya ali cilambu cao.
7 Pano Yeova u mulungami; watemwa milimo ilungame.
Alungame aalamulola.
Mafutunoti
^ Nanti limwi, “makala ya moto.”
