Isamu 115:1-18
115 Asi kuli sweswe we Yeova, asi kuli sweswe,Lelo ululumbi luye ukwi zina lyakoPa mulandu nu kutemwa kwako ukwa cumi na ucisinka wako.
2 U mulandu ci uno inko zingalandila ukuti:
“Uzye Leza wao ali kwi?”
3 Leza witu waya umu mayulu;Akacita vyonsi vino akulonda.
4 Ivilubi vyao i vyakwe siuva na goldi,Vino antu yakapanga.
5 Vyakwata utunwa lelo visivwanga;Vyakwata amanso lelo visilola;
6 Vyakwata matwi lelo visiuvwa;Vyakwata impuno lelo visinunsya;
7 Vyakwata iminwe lelo visilema;Vyakwata makulu lelo visipita;Visifumya iciunda apa mikolomilo.
8 Antu aakavipanga yalakolana navyo,Kumwi na yonsi aakavitaila.
9 Mwe Ina Izlaeli tailini YeovaAli kaazwa winu nupya ali cisyangu cinu.
10 Mwe ya mu ng’anda yakwe Aloni tailini YeovaAli kaazwa winu nupya ali cisyangu cinu.
11 Mwemuno mukaopa Yeova tailini YeovaAli kaazwa winu nupya ali cisyangu cinu.
12 Yeova akatwiusya nupya alatupaala;Alapaala amu ng’anda yakwe Izlaeli;Nupya alapaala amu ng’anda yakwe Aloni.
13 Yeova alapaala yayo aakamoopa,Anono kumwi na akalamba.
14 Yeova alalenga ivintu ukumuzipila,Mwemo kumwi na ana inu.
15 Si Yeova amipaale,Uwapanzile iyulu ni insi.
16 Amayulu aakwe Yeova,Lelo wapeela insi uku yana ya yantu.
17 Afwe yasilumbanya JahNa yonsi aakaya mya umu mfwa nayo kwene yasimulumbanya.
18 Lelo tumalumbanyanga JahKufuma likwene na manda pe.
Lumbanyini Jah!*
Mafutunoti
^ Nanti “Aleluya” “Jah” iinzila iipi iya kulembelamo izina lyakuti Yeova.
