Isamu 116:1-19
116 Natemwa YeovaPano akauvwa izwi lyane, akauvwa ukupaapata kwane ukwa kulenga uwazwilizyo.
2 Pano akakutika kuli nene,Nupya ndatwalilila ukulilila kuli aliwe lyonsi lino indi nu umi.
3 Imfwa yanzingulwike kwati imyando;Ilindi lyandemile.
Ucuzi nu ulanda vyancimvizye.
4 Nomba namile pi zina lyakwe Yeova inti:
“We Yeova, mpususye!”
5 Yeova u wa cikuuku nupya u mulungami;Leza witu waya nu uluse
6 Yeova akacingilila umuntu aatamanya cimwi.
Nali nu ulanda nupya wampuswisye.
7 Si nkampuuze nupya,Pano Yeova watandanga icikuuku.
8 Wampuswisye uku mfwa,Wankumbwile aminsozi nupya wancingilile pakuti ntapumika.
9 Ndapita pa nkoleelo yakwe Yeova umu mpanga ya yantu ya umi.
10 Nakweti utailo, acino nalandiile;Nacuzile sana.
11 Nemo nasakamile, nupya nalanzile inti:
“Umuntu wensi u wa ufi.”
12 I cani cino nimapeela YeovaPa visuma vyonsi vino wancitila?
13 Ndamwa muli kapu pakuti mutaizye pa kumpususya,Nupya ndaama pi zina lyakwe Yeova.
14 Ndafikilizya imilapo yane kuli YeovaPa manso ya yantu yakwe yonsi.
15 Yeova akalola imfwa ya yantu yakwe acisinkaUkuya iya mutengo sana.
16 Nkupaapata kuli wewe we Yeova,Pano nene muomvi wako
Nene muomvi wako, kuli kuti umwana wa muzya wako umukazyana
Watunsapula umu maceni.
17 Ndakupeela ilambo lya kutaizya;Ndaama pi zina lyakwe Yeova.
18 Ndafikilizya imilapo yane kuli YeovaPa manso ya yantu yakwe yonsi,
19 Mu misolo ya ng’anda yakwe Yeova,Kuli kuti pakasi kako we Yelusalemu.
Lumbanyini Jah!*
Mafutunoti
^ Nanti “Aleluya!” “Jah” iinzila iipi iya kulembelamo izina lyakuti Yeova.
