Isamu 132:1-18
Ulwimbo lwa kwimba pa kulemela Imyamba.
132 We Yeova iusya DevediNu kucuula kwakwe konsi;
2 Vino walafile umulapo kuli Yeova,Vino walafile umulapo uku wa Maka Wakwe Yakobo ukuti:
3 “Ntalingila umwi tenti lyane umu ng’anda yane.
Ntalalala pano nkalaala pali bedi wane;
4 Ntalakasula,Nanti ukuzumilizya amanso yane u kuyalika
5 Ukufikila lino ndazana incende yakwe Yeova,Incende isuma iya kwikalamo uwa Maka Wakwe Yakobo.”
6 Tuvwile pali cii umu Efulata;Twacizanyile umu vyalo vya mu mutengo.
7 Katwingile muno akaikala;Lekini tufukame pa ca kulyatapo ingazo zyakwe.
8 Katuka we Yeova uye umu ncende yako iya kupuuzilamo,Wemo ni Mbokosi ya upangano ino ukaomvya pa kulanga amaka yako.
9 Si ya simapepo yako yazwale ulungami,Nupya si antu yako acisinka yapunde ni nsansa.
10 Pa mulandu na Devedi umuomvi wako,Utakana umusoololwe wako.
11 Yeova watalapa kuli Devedi;Atalafilwa ukufikilizya amazwi yakwe akuti:
“Ndika umwana wako wenga,Pa cilimba cako ica wene.
12 Ndi cakuti ana yako yasunga upangano waneNa masunde yano nkuyasambilizya,Ana yao nayo kweneYalikala pa cilimba cako ica wene amanda pe.”
13 Pano Yeova watasoolola Zioni;Akulonda iye incende yakwe iya kwikalamo, watalanda ati:
14 “Yii i ncende yane iya kupuuzilamo amanda pe;Mukwene amuno ndikala pano cikwene acino nkalondesya.
15 Ndaupaala ni vintu vingi visuma;Ndapeela aapiina akaikalamo ivyakulya.
16 Ndapususya ya simapepo aakaikalamo,Antu acisinka aakaikalamo yalapunda ni nsansa.
17 Mumu kwene amuno ndalenga amaka yakwe Devedi ukuvula.
Impekanyizizya umusoololwe wane lampi
18 Ndazewanya alwani yakwe,Lelo icisote cakwe cilacimvya.”
