Isamu 135:1-21
135 Lumbanyini Jah!*
Lumbanyini izina lyakwe Yeova;Mwe yaomvi yakwe Yeova mulumbanyini,
2 Mwemuno mukaimilila umu ng’anda yakwe Yeova,Umu misolo ya ng’anda yakwe Leza witu.
3 Lumbanyini Jah pano Yeova u musuma.
Lumbanyini izina lyakwe mu nyimbo pano i lisuma.
4 Pano Jah watasoolola Yakobo ukuya uwakwe,Na Izlaeli ukuya icuma cakwe iciiyele.
5 Pano imanya ningo ukuti Yeova u mukalamba;Umwene witu u mukalamba ukucila ya leza yonsi aasyala.
6 Yeova akacita vyonsi vino watemwa ukucitaUmwi yulu na pano nsi, muli yayemba na muli yayemba yonsi aazike.
7 Akalenga manzi ukukatuka ukufuma umu nsi yonsi;Akalenga inkuwa ukumyantula umu mvula;Akaleta umuza ukufuma kuno wausungila.
8 Wakomile mayeli ya mu Ijipti,Aayantu na anyama.
9 Watumile ivimanyililo ni vizungusyo kuli mwemwe, mwe Ina Ijipti,Kuli Falao na aomvi yakwe yonsi.
10 Wakomile inko izingiNu kukoma aene ya maka
11 Kuli kuti Sihoni umwene wa Ina AmoliOgi umwene wa Ina BasyaniNupya wacimvizye na mawene yonsi amu Kenani.
12 Wapeezile ni mpanga yao ukuya ica upyanyi,Ica upyanyi ku yantu yakwe, aina Izlaeli.
13 We Yeova izina lyako likaikalilila manda pe.
We Yeova izina lyako likaikalilila uku nkulo zyonsi.
14 Pano Yeova alacingilila antu yakwe,Nupya alalanga icikuuku uku yaomvi yakwe.
15 Vilubi vya yantu amu nko i vyakwe siuva na goldi,Vino antu yakapanga.
16 Vyakwata utunwa, lelo visivwanga;Vyakwata manso, lelo visilola;
17 Vyakwata matwi, lelo visiuvwa.
Vitakwata umupu umu tunwa.
18 Antu aakavipanga yalakolana navyo,Kumwi na yonsi aakavitaila.
19 Mwe ya mu ng’anda yakwe Izlaeli, lumbanyini Yeova.
Mwe ya mu ng’anda yakwe Aloni, lumbanyini Yeova.
20 Mwe ya mu ng’anda yakwe Levi, lumbanyini Yeova.
Mwemuno mukaopa Yeova, lumbanyini Yeova.
21 Si Yeova alumbanyiziwe umu Zioni,Aakaikala umu Yelusalemu.
Lumbanyini Jah!
Mafutunoti
^ Nanti “Aleluya” “Jah” iinzila iipi iya kulembelamo izina lyakuti Yeova.
