Isamu 139:1-24
Ku mukalamba wakwe ya kiimba. Lwimbo luno Devedi wimvile. Lwimbo.
139 We Yeova, walondelezya muli nene nupya wamanya.
2 Ukamanya nga nikala nupya ukamanya nga nakatuka.
Ukamanya melenganyo yane ukufuma ukutali.
3 Ukanceeceta lino nkupita na lino nalaala;Wamanya inzila zyane zyonsi.
4 We Yeova, ukamanya ningo mazwi ya pa lulimi lwane,Na lino ntatala nayalanda.
5 Ukanzinguluka umu mbali zyonsi;Nupya ukaika ikasa lyako pali nene.
6 Kumanya kwa musango uwo ntange nkwiluke.
Kwakulisya ukuncila.
7 Aekwi kuno ninguutukila ukufuma uku mupasi wako,Nupya aekwi kuno ninguutukila ukufuma uku cinso cako?
8 Ndi cakuti nali nu kuya ukwi yulu, ungayako,Nupya ndi cakuti nali nu kupanga apakulaala umwi Lindi,* namo kwene ungayamo.
9 Ndi cakuti nali nu kupapuka zuwa zuwa wakwe vino uluswepo lwa katondo lukaloleka zuwaNu kuyaikala ukutali sana ukwapeleela yemba,
10 Nako kwene ikasa lyako lingantungululaNupya ikasa lyako ili lunji lingandema.
11 Ndi cakuti nati: “Imfinzi imamfisa!”
Lyene usiku ungasanguka uye uluswepo.
12 Nanti sile imfinzi itange ifitisye kuli wewe,Nu usiku ungaswepa mpe kwati u musanya;Imfinzi i cili cimwi nu luswepo kuli wewe.
13 Pano wapanzile imfyo zyane;Wancingilile umunda muli mayo.
14 Nkukulumbanya pano wampanga umu nzila ya kuzungusya.
Imilimo yako i yakuzungusya,Namanya ningo cii.
15 Mafupa yane yatafisiime kuli weweLino napangwanga umu nkama,Lino nakulanga umunda muli mayo.
16 Wambweni lino napangikanga;Ivilundwa vyane vyonsi vyalemvilwe umwi bukuUkulingana na manda yano vyapangilwangapo,Na lino patatala papangika nanti conga.
17 Fwandi amelenganyo yako yacindama sana kuli nene.
We Leza, wamanyikisya ivintu!
18 Nga nezya ukupenda melenganyo yako, yavulisya ukucila umucanga.
Nga nazyuka nkatwalilila ukuya naawe.
19 We Leza, ndi cakuti wakomile antu aipe,
Lyene antu aankalwe yangafuma kuli nene,
20 Yayo aakalanda iviipe pali wewe,Aalwani yako aakalola izina lyako ukuya ilyasile sile.
21 Napata yayo aakupata, we Yeova,Nupya antu aakakupondokela aawinyi kuli nene.
22 Nayapata sana,Iiza yaya alwani ya cumi cumi kuli nene.
23 Londelezya muli nene we Leza nu kumanya umwenzo wane.
Nceecete nu kumanya ivikunsakamika.
24 Lola ndi cakuti muli nene muli inzila ili yonsi iipe,Nupya ntungulule umu nzila ya manda pe.
Mafutunoti
^ Mu Ciebele: “Syeo.” Lolini Ulondolozi wa Mazwi.
