Isamu 141:1-10
Lwimbo luno Devedi wimvile.
141 We Yeova, nkupepa kuli wewe.
Ngazwe zuwa.
Wakutika lino nalilila kuli wewe.
2 Si ipepo lyane liye wa vinunkile ivyativipekanyiziwa ukupeelwa kuli wewe,Makasa yane aatiyakatuka yaye wa upe wa ngaano uukapeelwa manguzi.
3 We Yeova, ika uwa kulinda akanwa kane,Ika uwa kulinda imilomo yane.
4 Utaleka umwenzo wane walondesya ukucita icili consi iciipe,Nanti ukucitako iviipe vino antu aipe yakacita;Leka ntaaliila pamwi nayo ivyakulya vyao ivisuma.
5 Ndi cakuti umuntu umulungami wanguma, ala akulanga ukutemwa kwa cumi kuli nene;Ndi cakuti wansunda, cingaya kwati akunjitila mafuta pa mutwe,Yano umutwe wane utange ukane.
Ndatwalilila ukumupepelako nu mu nsita yakwe kwene iya ntazi.
6 Nanti cakuti ya kapingula yao yapona ukufuma pa ciliwe papela,Antu yaliika mano uku mazwi yane pano aasuma.
7 Wakwe vino umwi akalepoola umusili nu kuusalanganya lino akulima,Avino mafupa itu iiyasalangana umupiipi ni Lindi.*
8 Lelo nemo nkulolekesya kuli wewe we Yeova Mwene wa Papelapela.
Muli wewe amuno nafisama.
Utankoma.
9 Ncingilile uku maka ya citeyo cino yanteya,Ncingilile uku viteyo vya yantu aipe.
10 Antu aipe yonsi yalaponela pamwi umu masumbo yaoLelo nemo ale nkupita umu mutende.
Mafutunoti
^ Mu Ciebele: “Syeo.” Lolini Ulondolozi wa Mazwi.
