Isamu 146:1-10
146 Lumbanyini Jah!*
Nkanalumbanya Yeova nu mwenzo wane onsi.
2 Ndalumbanya Yeova umi wane onsi.
Ndaimba inyimbo izya kulumbanya Leza wane lyonsi lino indi nu umi.
3 Mutataila ya ciloloNanti umuntu ali wensi atanga amupususye.
4 Umupu wakwe ukafuma, aswilila nu ku musili;Nupya melenganyo yakwe yakalowa apa wanda kwene uwo.
5 Uwa nsansa u muntu wino Leza wakwe Yakobo aali kaazwa wakwe,Umuntu wino wataila Yeova Leza wakwe,
6 Uwaumvile iyulu ni nsi,Na yemba, kumwi na vyonsi ivyayamo,Uwaya uwa cisinka lyonsi.
7 Wino akalanga umulinganya kuli yano yatiyafyengwa,Nupya aakapeela ivyakulya kuli yano yali ni nzala.
Yeova akakulula afungwa.
8 Yeova akayula amanso ya mpafu;Yeova akakatusya atiyapona;Yeova watemwa alungami.
9 Yeova akacingilila antu afuma uku mpanga zyuze;Akasakamala umwana wa nsiwa na mukamfwilwaLelo akavulunganya amapange ya antu aipe.
10 Yeova alaya u Mwene amanda pe,We Zioni, Leza wako alaya u Mwene uku nkulo ni nkulo.
Lumbanyini Jah!*
Mafutunoti
^ Nanti “Aleluya!” “Jah” iinzila iipi iya kulembelamo izina lyakuti Yeova.
^ Nanti “Aleluya!” “Jah” iinzila iipi iya kulembelamo izina lyakuti Yeova.
