Isamu 147:1-20
147 Lumbanyini Jah!*
I cisuma ukwimba inyimbo zya kulumbanya Leza witu;Cazipa nupya calinga ukumulumbanya!
2 Yeova akukuula Yelusalemu;Akukolonganika Aina Izlaeli aasalangana.
3 Akapozya aaya nu ulanda;Akayanyepela ivilonda.
4 Wamanya impendwa ya ntanda;Nupya zyonsi akazyama umu mazina.
5 Umwene witu u mukalamba nupya wakwatisya amaka;Kusi aanguvwikisya ukwiluka kwakwe.
6 Yeova akakatusya afuuke,Lelo akasumbila antu aipe pansi.
7 Imbilini Yeova inyimbo zya kutaizya;Imbini inyimbo zya kulumbanya Leza witu nu kumulizizya izeeze,
8 Wino akavimba mayulu na makumbi,Wino akalenga imvula ukutoonya umu nsi,Nupya wino akalenga isote ukumela pa myamba.
9 Akapeela inyama ivyakulya,Nupya akapeela ivyakulya utwana twako ya mwankole utukulonda ukulya.
10 Asisansamukila umu maka ya mfwalasi;Nanti ukusansamukila umu kusimula kwa muntu wa lwilo.
11 Yeova akasansamukila umu yantu aakamoopa,Mu yantu aakaloleela ukutemwa kwakwe ukwa cumi.
12 Peela ululumbi kuli Yeova we Yelusalemu.
Lumbanya Leza wako, we Zioni.
13 Akalenga imifikilo ya mpongolo ya mu musumba wako ukukoma;Akapaala ana yako.
14 Akaleta umutende umu mpanga yako;Akakupeela ingaano izisuma sana.
15 Akatuma amazwi umu nsi;Mazwi yakwe yakasimulisya.
16 Akatuma usu wa mvula wa nsalu itiswe;Akasalanganya usu wa mvula wi twi.
17 Akasumba mawe yakwe aamvula wa mvungwa zya mukate.
Uzye a weni aangazizimizya ukuzuka kwakwe?
18 Nga walanda, usu wa mvula ukasunguluka.
Akalenga umuza ukupuunga nupya manzi yakapita.
19 Akatuma amazwi yakwe kuli Yakobo,Nupya akatuma masunde yakwe nu upinguzi uku Ina Izlaeli.
20 Atacitapo vii uku luko na luze;Yatamanyapo icili consi apa upinguzi wakwe.
Lumbanyini Jah!*
Mafutunoti
^ Nanti “Aleluya!” “Jah” iinzila iipi iya kulembelamo izina lyakuti Yeova.
^ Nanti “Aleluya!” “Jah” iinzila iipi iya kulembelamo izina lyakuti Yeova.
