Isamu 150:1-6
150 Lumbanyini Jah!*
Lumbanyini Leza umu ncende yakwe iya muzilo.
Mulumbanyini umwi yulu ilikapeela unte apa maka yakwe.
2 Mulumbanyini pa mulandu ni milimo yakwe iya maka.
Mulumbanyini pa mulandu nu ukalamba wakwe.
3 Mulumbanyini ukuomvya iciunda ci penga.
Mulumbanyini ukuomvya icilimba ca nsale ni zeeze.
4 Mulumbanyini ukuomvya kangoma nupya ala mukuzinguluka apa kucina.
Mulumbanyini ukuomvya insale nu mutolilo.
5 Mulumbanyini ukuomvya iciunda ca viwaya.*
Mulumbanyini ukuomvya iciunda ca viwaya ivikulila sana.
6 Consi icikafuuta kacilumbanye Jah.
Lumbanyini Jah!*
Mafutunoti
^ Nanti “Aleluya!” “Jah” iinzila iipi iya kulembelamo izina lyakuti Yeova.
^ Ivyela vino yakapumanya pa kulizya.
^ Nanti “Aleluya!” “Jah” iinzila iipi iya kulembelamo izina lyakuti Yeova.