Isamu 17:1-15
Ipepo lyakwe Devedi.
17 We Yeova uvwa ukupaapata kwane ukwa kulenga umulinganya;Ika mano ku kulila kwane ukwa kulenga uwazwilizyo;Si kutika ukwi ipepo lii lino nkupepa ukwaula usomvi.
2 Si umpingwile umu mulinganya;Si amanso yako yalole ivilungame.
3 Watuceeceta umwenzo wane, watunceeceta umu nsita ya usiku;Watunsangulula,Utalazana ukuti napanga ukucita iciipe icili consi,Nupya kanwa kane katayembuka.
4 Lelo ukulozya uku vicitwa vya yantu,Ukulingana na mazwi yako, nsipita umu nzila ya vipondo.
5 Leka ntwalilile ukupita umu nzila zyakoPakuti ingazo zyane zitapumika.
6 Nkupepa kuli wewe pano ulangasuka, we Leza.
Kutika kuli nene. Uvwa mazwi yane.
7 Langa ukutemwa kwako ukwa cumi umu nzila ya kuzungusya,We Kapususya wakwe yayo aakafisama ukwi kasa lyako ililunjiLino yakuutuka yayo aakakupondokela.
8 Ncingilile kwati imboni ya linso lyako;Mfise umu cisaao ca maapa yako.
9 Ncingilile uku yantu aipe aakanzanza,Ku yalwani aakanzinguluka.
10 Yakoma imyenzo;Yakavwanga cilumba cilumba;
11 Yakatuzinguluka;Yakatulolekesya pakuti yazane apa kutuwisizya.
12 Mulwani waya wakwe cisama aakulondesya ukusandola inyama umu vimpilinsya,Waya wakwe cisama uwatateyamila umu mpanga.
13 Katuka we Yeova pakuti umulwisye nu kumuponya pansi;Mpususye uku mwipe ukuomvya ulupanga lwako;
14 Mpususye we Yeova ni kasa lyakoUku yantu ya mu nsi ii yano icilambu cao caya umu umi uu,Yano yakaipakizya ivintu ivisuma vino ukayapeelaNupya yano yakasiila ana yao aingi ica upyanyi.
15 Lelo nemo umu ulungami amuno ndalolela icinso cako;Nkazyuka ala imanya ukuti uli nani nupya ivintu vikanzipila.
