Isamu 24:1-10
-
Mwene wa lulumbi wingila pa mpongolo
-
‘Insi i yakwe Yeova’ (1)
-
Lwimbo luno Devedi wimvile.
24 Yeova ali mwineco wa nsi na vyonsi ivyayamo,Kumwi nu musili na yonsi aakaikalapo.
2 Pano wika insi pali ya yembaNupya waisimpa pa nguzi.
3 A weni aangalemela umwamba wakwe Yeova,Nupya a weni angimilila umu ncende yakwe iya muzilo?
4 U muntu wensi wino iminwe yakwe yaya iya kaele nupya wino umwenzo wakwe waya usanguluke,Aatatala walapapo umulapo wa ufi umwi Zina lyane,Nanti ukulapa umu usomvi.
5 Alapokelela mapaalo ukufuma kuli YeovaNu ulungami kufuma kuli Leza kapususya wakwe.
6 Yii iinkulo yakwe yano yakamulonda,Yayo aakalonda icinso cako, we Leza wakwe Yakobo. (Selah)
7 Yulikini mwe mpongolo;Yulikini mwe milyango ya mpiti,Pakuti Umwene wa lulumbi aingile!
8 Uzye Umwene kwene wii uwa lulumbi a weni?
A Yeova, wino wakoma nupya uwakwata maka,Yeova, uwakwata maka umu ulwi.
9 Yulikini mwe mpongolo;Yulikini mwe milyango ya mpiti,Pakuti Umwene wa lulumbi aingile!
10 Uzye Umwene kwene wii uwa lulumbi a weni?
Yeova wa maumba ali Mwene wa lulumbi. (Selah)
