Isamu 29:1-11
Lwimbo luno Devedi wimvile.
29 Peelini Yeova vino alinzile ukupeelwa, mwe yana ya yantu ya makaPeelini Yeova vino alinzile ukupeelwa pa mulandu nu ululumbi lwakwe na maka.
2 Peelini Yeova ululumbi ululingine ni zina lyakwe.
Fukamilini Yeova ala imuzwala ivyakuzwala vya muzilo.
3 Izwi lyakwe Yeova likauvwika papela ya manzi;Leza wa lulumbi akapangalakansya.
Yeova waya papela ya manzi aingi.
4 Izwi lyakwe Yeova i lya maka;Izwi lyakwe Yeova i lya lulumbi.
5 Izwi lyakwe Yeova likuputola imikedali;Yeova akaputola imikedali ya mu Lebanoni.
6 Akalenga Lebanoni ukutolooka wa mwana wa ng’ombe,Na Silioni ukutolooka wakwe cipambasi wa mu mpanga.
7 Izwi lyakwe Yeova likalenga inkuwa ukumyantula;
8 Izwi lyakwe Yeova likalenga ulwanga ukutenkana;Yeova akalenga ulwanga ulwa Kadesyi ukutenkana.
9 Izwi lyakwe Yeova likalenga mpombo ukutenkana nu kuvyalaNupya likapulula mafwa mu mitengo.
Na yonsi amwi tempele lyakwe yakalanda iyati: “Ululumbi kuli Leza!”
10 Yeova wikala pa cilimba ca wene papela ya manzi aingi;Yeova wikala pa cilimba ca wene, u Mwene manda pe.
11 Yeova alapeela antu yakwe amaka.
Yeova alapeela antu yakwe umutende.
