Isamu 31:1-24
Ku mukalamba wakwe ya kiimba. Ulwimbo luno Devedi wimvile.
31 Muli wewe we Yeova amuno nkafisama.
Utaleka ukuti nzewane.
Mpususye pa mulandu nu ulungami wako.
2 Uvwa kuli nene.
Iza zuwa pakuti umpususye.
Uye umwamba muno ningafisama,Incende icingililwe muno ningapusukila.
3 Pano wewe ciliwe cane muno nkafisama;Pa mulandu ni zina lyako ulantungulula.
4 Ulampususya ukufuma umwi sumbo lino yanteya umu nkama,Pano wewe uli mwakufisama mwane.
5 Napeela umi wane kuli wewe.
Wankulula we Yeova, Leza wa cumi.
6 Napata akapepa ivilubi ivya sile sile,Lelo nemo nataila muli Yeova.
7 Ndasansamukila sana umu kutemwa kwako ukwa cumi,Pano watulola ukucuula kwane;Nupya wamanya ulanda wane.
8 Utaampeela uku mulwani,Lelo waleka ukuti naimilila umu ncende icingililwe.
9 Nguvwile uluse we Yeova pano indi nu ulanda.
Kucuula ukulenga manso yane ukutonta kumwi nu umwili wane onsi.
10 Umi wane iusila pa mulandu nu ulandaNupya nkateta imyaka yane yonsi.
Amaka iyasila pa mulandu nu kuluvyanya kwane;Mafupa yane iyatonta.
11 Alwani yane yonsi yakuntumfya,Sana sana ainamupalamano.
Nkoopa antu yano namanya;Ndi cakuti yandola yakangutuka.
12 Yata ukunjiusya, yanjilila kwati nafwa;Indi wa nsembo itamike.
13 Nuvwa iviipe ivingi vino yakalanda;Ivintu vya koofya vyanzinguluka.
Nga yakolongana pamwi pakuti yandwisye,Yakalanzyanya pa kunkoma.
14 Lelo nataila muli wewe we Yeova.
Nkalanda ukuti: “Wewe Leza wane.”
15 Manda yane yaya umu minwe yako.
Mpususye uku yalwani yane nu ku yantu aakancuzya.
16 Leka icinso cako ciyengese pa muomvi wako.
Mpususye pa mulandu nu kutemwa kwako ukwa cumi.
17 We Yeova, si utaleka nzewane lino nkwama pali wewe.
Si leka antu aipe yazewane;Leka yaye mya umwi Lindi.*
18 Si aakabepa yate ukuvwanga,Kuli kuti aakalanda cilumba cilumba nu kusuula antu alungame.
19 Iyee mwe vino usuma wako wavula!
Wasungila usuma antu aakakoopa,Nupya walanga usuma wako uku yantu yonsi akafisama muli wewe.
20 Ulayafisa umu ncende ifisame pa nkoleelo yakoKufuma ku mapange ya yantu;Ulayafisa umu ncende yakoUku yantu aipe angayazanza.
21 Si Yeova alumbanyiziwe,Pano watalanga ukutemwa kwakwe ukwa cumi kuli nene umu nzila iya kuzungusya umu musumba uno alwani yazinguluka.
22 Nemo nuvwile intete nu kulanda inti:
“Ndafwila pa nkoleelo yako.”
Lelo wemo uvwile ukupaapata kwane ukwa kuleenga uwazwilizyo lino naliliile kuli wewe.
23 Temwini Yeova mwensi mwe muno mwaya acisinka kuli aliwe!
Yeova akacingilila antu ya cisinka,Lelo akafulula sana wensi uwaya ni cilumba.
24 Sipini nupya muye akomeMwensi mwe muno mukaloleela Yeova.
Mafutunoti
^ Mu Ciebele: “Syeo.” Lolini Ulondolozi wa Mazwi.
