Isamu 32:1-11
Lwimbo luno Devedi wimvile. Masikiu.*
32 Uwa nsansa u muntu wino ukuluvyanya kwakwe kwelelwa, umuntu wino luyembu lwakwe lwelelwa.
2 Uwa nsansa u muntu wino Yeova asilola ukuti u wa mulandu,Wino umu mwenzo wakwe mutaya usomvi.
3 Lino nikazile mya, mafupa yane yononiike pa mulandu nu kuteta kuno natetanga uwanda onsi.
4 Pano umusanya nu usiku ikasa lyako ilinyome lyayanga pali nene.
Maka yane yasizile kwati avino manzi yakakama umu nsita ya cisanya. (Selah)
5 Lyene nasokolwile kuli wewe uluyembu lwane;Ntafisile vino naluvyanyizye.
Natiile: “Nimasokolola ukuluvyanya kwane kuli Yeova.”
Nupya welezile imbembu zyane. (Selah)
6 Ali mulandu uno wensi uwaya ni cisinka akapepela kuli wewePa nsita ino ungazanwa.
Lyene nanti sile a mulamba atanga amuzane.
7 Wewe uli ncende ino nkafisamamo;Ulancingilila uku ntazi.
Ulanzinguluka ni nsansa zya kupususya. (Selah)
8 “Ndakupeela ukwiluka nu kukusambilizya inzila ino ufwile ukupitamo.
Ndakupanda mano ale na manso yane yali pali wewe.
9 Utaaya wa mfwalasi nanti punda ivisiiluka,Vyene yakavitungulula ukuomvya ivyela nanti intamboAlino mungavitungulula.”
10 Kwaya ivintu ivingi vikalenga umwipe ukucuula;Lelo wino akataila Yeova akacingililwa nu kutemwa kwakwe Leza ukwa cumi.
11 Sansamukilini muli Yeova nu kuya ni nsansa mwe yalungame;Pundini ni nsansa mwensi mwe yalungame umu myenzo.
Mafutunoti
^ Lolini Ulondolozi wa Mazwi.
