Isamu 34:1-22
Lwimbo luno Devedi wimvile, ulukalanda sana pa nsita ino wacisile kwati watapena pa nkoleelo yakwe Abimeleki uwamuzinzile, nawe wapisile.
א [Aleph]
34 Ndalumbanya Yeova insita zyonsi;Ntalatala inte ukumulumbanya.
ב [Beth]
2 Namaitakizizyanga muli Yeova;Aafuuke yaluvwa nu kusansamuka.
ג [Gimel]
3 Cindikini Yeova pamwi nani;Lekini tulumbanye izina lyakwe capamwi.
ד [Daleth]
4 Napefile kuli Yeova, nawe wangaswike.
Wampuswisye kuli vyonsi ivyandetelanga intete.
ה [He]
5 Yano yalolanga kuli aliwe yatandike ukuyengesa;Vinso vyao vitaali nu kuzewana.
ז [Zayin]
6 Umuntu umusuulwe wamile, nupya Yeova wamuvwile.
Wamupuswisye uku ntazi zyakwe zyonsi.
ח [Heth]
7 Malaika wakwe Yeova akacingilila yonsi aakaopa Leza,Nupya akayapususya.
ט [Teth]
8 Ezyini nu kulola ukuti Yeova u musuma;Uwa nsansa u muntu aakafisama muli aliwe.
י [Yod]
9 Opini Yeova, mwe ya muzilo yakwe mwensi,Pano yayo aakamoopa yatalulizya cimwi.
כ [Kaph]
10 Nanti sile aa cisama ya maka yakaya ni nzala,Lelo yayo aakalonda Yeova yatalulizya nanti acimwi cisuma.
ל [Lamed]
11 Izini kuno, yana yane, kutikini;Namamusambilizya ukoopa Yeova.
מ [Mem]
12 A weni pali mwemwe aakalonda ukuipakizya umiNupya aangatemwa ukwikala manda aingi?
נ [Nun]
13 Fwandi lyene uwacingilila ululimi lwako uku viipe,Ni milomo yako uku kulanda ivya ufi.
ס [Samekh]
14 Talukiini uku kucita iviipe nupya mwacita ivisuma;Mwalonda umutende nu kuusungilila.
ע [Ayin]
15 Amanso yakwe Yeova yaya pa yalungami,Na matwi yakwe yakauvwa kuli aliyo nga yamulenga uwazwilizyo.
פ [Pe]
16 Lelo Yeova wapata aakacita iviipe,Icakuti akafumya vyonsi vingalenga yaiusiwa umu nsi.
צ [Tsade]
17 Yaalilile kuli Yeova nawe uvwile;Wayapuswisye uku ntazi zyao zyonsi.
ק [Qoph]
18 Yeova waya apiipi na yayo aaya nu ulanda;Akapususya atiyatoovoka.
ר [Resh]
19 Umulungami akakwata intazi zingi,Lelo Yeova akamupususya uku ntazi zizyo zyonsi.
ש [Shin]
20 Akacingilila mafupa yakwe yonsi;Kusi nanti alyonga ilyakontoka.
ת [Taw]
21 Intazi ilalenga umwipe ukufwa;Wensi uwapata umulungami alaya nu mulandu.
22 Yeova akakulula aomvi yakwe;Kusi nanti a wenga aakafisama muli aliwe aalaya nu mulandu.
