Isamu 36:1-12
Ku mukalamba wakwe ya kiimba. Lwimbo luno Devedi umuomvi wakwe Yeova wimvile.
36 Iviipe vikatungulula umwenzo wa muntu umwipe;Asiopa Leza.
2 Pano umu manso yakwe akailola ukuti wacindama sanaIcakuti asimanya nu kupata ukuluvyanya kwakwe.
3 Mazwi amu kanwa kakwe yakacisa nupya aa usomvi;Asiiluka pakuti acita icisuma.
4 Akapanga mapange aipe na lino watalaala pali bedi yakwe.
Akalondela inzila iipe;Asikana iviipe.
5 We Yeova, ukutemwa kwako ukwa cumi kukafika umu mayulu,Ucisinka wako ukafika umu makumbi.
6 We Yeova, ulungami wako waya wa myamba ikalamba;upinguzi wako wakula wa manzi azike.
Ukapususya umuntu ni nyama zya mu mpanga.
7 Ukutemwa kwako ukwa cumi we Leza, kwacindama sana!
Umu cisaao ca maapa yako, amuno ana ya yantu yakafisama.
8 Yakamwa ivintu ivisuma ivyaya umu ng’anda yako pakuti ikute,Nupya ukayalenga ukumwa ivintu visuma ivikapita wa luzi.
9 Wewe uli ntulo ya umi;Tukalola uluswepo pa mulandu nu luswepo lwako.
10 Twalilila ukulanga ukutemwa kwa cumi kuli yayo aakumanya,Nupya uwalanga ulungami wako uku yantu aaya ni myenzo ilungame.
11 Utaleka ulwazo lwa muntu wa cilumba lundyateNanti ikasa lya muntu umwipe linzinge.
12 Kuuku kwene akuno antu aakacita iviipe iyaponela;Iyayaponya pansi nupya yatanga yakatuke.
