Isamu 37:1-40
Lwimbo luno Devedi wimvile.
א [Aleph]
37 Utasoka pa mulandu na antu aipeNanti ukuya nu muvimbila kuli ya kacita ya viipe.
2 Yaluma zuwa wi soteNupya yalafoota wa mulemvwe.
ב [Beth]
3 Taila Yeova nu kucita icisuma;Ikala umu nsi nu kuya na ucisinka.
4 Uwazangila muli YeovaNawe alakupeela vino umwenzo wako ukalonda.
ג [Gimel]
5 Uwaleka Yeova aliwe akutungulula;Uwamutaila nawe alakwavwa.
6 Alaleka ulungami wako ukuyengesa wa luswepo lwa katondo,Nu mulinganya wako ulayengesa wa musanya pakasi.
ד [Daleth]
7 Uwaloleela YeovaNu kuloleela vino alacita.
Utasoka pa mulandu nu muntuAakafikilizya mapange yakwe.
ה [He]
8 Ta ukuya ni cipyu nu ukali;Utasoka nu kutandika ukucita iciipe.
9 Pano antu aipe yalononwa,Lelo ataila Yeova yalikala umu nsi.
ו [Waw]
10 Kwasyala sile panono umwipe atalatala ayepo;Ulalolekesya pano aipe yaali,Lelo utalayalola.
11 Lelo afuuke yalikala umu nsi,Nupya yalaya ni nsansa izingi pa mulandu nu mutende umalilike.
ז [Zayin]
12 Umwipe akapangila umulungami;Akamulumanyizizya incecete.
13 Lelo Yeova alamuseka,Pano wamanya ukuti uwanda wakwe uliza.
ח [Heth]
14 Antu aipe yakasomola malupanga yao nu kutinta maulapwa yaoPakuti yaponye atitikiziwa na apiina,Na pakuti yakome yano inzila yao yaya ilungame.
15 Lelo ulupanga lwao lulatota imyenzo yao;Na maulapwa yao yalononeka.
ט [Teth]
16 Utuntu tunono tuno umulungami wakwataTwazipa ukucila ivintu ivingi vino aipe yakwata.
17 Pano makasa ya mwipe yalavunolwa,Lelo Yeova alacingilila umulungami.
י [Yod]
18 Yeova wamanya ivintu vino antu yakaele yakapitamo,Nupya ica upyanyi cao cilatwalilila amanda pe.
19 Yatalazewana umu nsita ya ntazi;Nupya yalakwata ivyakulya ivingi umu nsita ya cipowe.
כ [Kaph]
20 Lelo Antu yalalowa;Alwani yakwe Yeova yalalowa wa mulemvwe;Yalata ukuloleka wakwe vino incunsi cikaata ukuloleka.
ל [Lamed]
21 Umuntu umwipe akakongola nupya asiwezya,Lelo umulungami a kapekape nupya akapeelako yauze.
22 Yano Leza akapaala yalikala umu nsi,Lelo yano akatiipa yalononwa.
מ [Mem]
23 Yeova akatungulula intampulo zya muntuNdi cakuti akusansamukila muli vino umuntu wiyo akacita.
24 Nanti cakuti angapona atalasumbwa pansi,Pano Yeova akamulemelela ukwi kasa.
נ [Nun]
25 Nali umwance nomba lyene inkotaLelo ntatala nalola umulungami ali wensi watazyelwa,Nanti ana yakwe yakulenga ivyakulya.
26 Lyonsi akaitemelwa ukwazimisya,Nupya ana yakwe yalapaalwa.
ס [Samekh]
27 Taluka uku viipe nupya uwacita ivisuma,Nupya ulatwalilila ukwikala manda pe.
28 Pano Yeova watemwa umulinganya,Nupya atalatala atazyele acisinka kuli aliwe.
ע [Ayin]
Yalatwalilila ukucingililwa;Lelo ana ya yantu aipe yalononwa.
29 Alungame yalikala umu nsi,Nupya yalikalamo manda pe.
פ [Pe]
30 Kanwa ka muntu umulungami kakalanda pa vintu vya mano,Nupya ululimi lwakwe lukalanda pa mulinganya.
31 Masunde yakwe Leza wakwe yaya umu mwenzo wakwe;Ingazo zyakwe zitalasyelemuka.
צ [Tsade]
32 Umuntu umwipe akalolekesya umulungami,Ala akulondesya ukumukoma.
33 Lelo Yeova atalaleka umwipe ukucimvya umulungamiNanti ukumuzana nu mulandu lino akupingulwa
ק [Qoph]
34 Uwataila Yeova nu kulondela inzila zyakwe,Nawe alalenga ukuti uwikale umu nsi.
Ulalolako lino aipe yalaononwa.
ר [Resh]
35 Naalola kuno umuntu umwipe nupya uwa unkalweIvintu vikumuzipila ale akuloleka ningo wa muti uuvunde uli pa musili uno wameliilepo.
36 Nomba wafwile ukwaula ukwenekela nu kulowaNatwalilile ukumulonda nomba ntamuzanyile.
ש [Shin]
37 Ika mano ku muntu wa kaeleNupya lolekesya umulungami,Pano uku nkoleelo alaya sana nu mutende.
38 Yonsi akatama masunde yakwe Leza yalononwa;Antu aipe yalakomwa.
ת [Taw]
39 Yeova aliwe akapususya alungami;Yakafisama muli aliwe umu nsita ya ntazi.
40 Yeova alayazwa nupya alayapususya.
Alayapokolola uku yantu aipe nupya alayapususya,Pa mulandu wakuti yakafisama muli aliwe.
