Isamu 39:1-13
Ku mukalamba wakwe ya kiimba; pali Yedutuni.* Lwimbo luno Devedi wimvile.
39 Nalanzile inti: “Ndacingilila intampulo zyanePakuti ntakayembuke nu lulimi lwane.
Ndasunga kanwa kane ni ca kuvimbapoLyonsi lino umwipe ali pano indi.”
2 Ntaakweti ivya kulanda nupya nikazile mya;Natwalilile ukwikala mya na pa vintu sile ivisuma,Lelo ukali wane wakulileko.
3 Umwenzo wane wapyanga.
Lino nelenganyanga, umoto watwalilile ukwaka.
Lyene ululimi lwane lwavwanzile iluti:
4 “We Yeova, ngavwe ukumanya vino impelelekezyo yane ilaya,Nu utali wa manda yane,Pakuti ningamanya vino umi wane wipimpala.
5 Cumi kwene, watulenga manda yane ukuya sile anono;Nupya umi wane u wa sile sile kuli wewe.
Umuntu ali wensi nanti cakuti angaloleka umucingililwe, waya sile wa mupu. (Selah)
6 Cumi kwene umuntu ali wensi akapitana sile wa cinzingwa.
Akazinguluka pa ula cimwi.
Akakolonganika icuma cakwe ukwaula nu kumanya aalaipakizya.
7 We Yeova, uzye i cani cino ningapaalila?
Nkapaalila sile muli wewe.
8 Mpususye uku membu zyane zyonsi.
Utaleka umuntu muwelewele antumfya.
9 Natwalilile ukwikala ukwaula ukulanda;Ntaayuzile akanwa kane,Pa mulandu wakuti wewe wacisile ivintu vii.
10 Fumya icinkunka cako pali nene.
Intonta pa mulandu wakuti ikasa lyako ilinguma.
11 Ukafulula umuntu pa kumulungika pa mulandu nu luyembu lwakwe;Ukaonona ivyuma vyakwe wakwe vino icipepelya ca usiku cikacita.
Cumi kwene umuntu wensi waya sile wa mupu. (Selah)
12 Uvwa ipepo lyane, we Yeova,Kutika uku kulila kwane pakuti ungazwe.
Utililako sile uku vilamba vyane.
Pano nene mwenyi kuli wewe,Naya wa muntu aali pa lwendo wakwe vino cali uku vikolwe vyane vyonsi.
13 Fumya manso yako aa ukali pali nene pakuti nsansamukeLino ntatala nafwa nu kupita.”
Mafutunoti
^ Lolini Ulondolozi wa Mazwi.
