Isamu 42:1-11
Ku mukalamba wakwe ya kiimba. Masikiu* wakwe ya mwana Kola.
42 Wakwe mpombo aakalonda utunguzi twa manzi,Nani avino nkakulonda, we Leza.
2 Nkalondesya Leza, Leza wa umi.
A lilaci lino ningiza nu kulolekela pa nkoleelo yakwe Leza?
3 Aminsozi yane ali vyakulya vyane musanya nu usiku;Wanda onsi antu yakantumfya iyati: “Uzye Leza wako ali kwi?”
4 Nkaiusya ivintu vii, nupya umwenzo ukambaya,Pano pa nsita imwi napitilanga pamwi ni umba;Napitanga panono panono pa nkoleelo yi umba ala tukuya uku ng’anda yakwe Leza.Pa nsita iiya swensi kwene twasansamukanga nupya twataizyanga Leza,Twali iumba ilikalamba ilyazevyanga umutebeto.
5 U mulandu ci uno nkuculila?
U mulandu ci uno njelilile ni ntazi yii?
Ndaloleela Leza,Ndamulumbanya pano ali kapususya wane umukalamba.
6 Leza wane, indi ni ntazi, Leza wane nkucula.
Ali mulandu uno nkukwiusizya,Kufuma uku mpanga iya Yodani na pa myamba iya Helimoni,Nu kufuma pa mwamba uwa Mizali.*
7 Manzi aingi yakaama manzi aingiUkupitila umu congo ca vipoma vyako.
Maimbi yako yonsi iyancimvya.
8 Umusanya Yeova alandanga ukutemwa kwakwe ukwa cumi,Nupya usiku ndamwimbila ulwimbo, kuli kuti ndapepa kuli Leza uwampeezile umi.
9 Ndanena Leza, iciliwe cane inti:
“U mulandu ci uno wanjililila?
U mulandu ci uno ningaapitila uwa ulanda pa mulandu na vino umulwani wane akuncuzya?”
10 Alwani yane aipisye yakantumfya;Uwanda onsi yakantumfya iyati: “Uzye Leza wako ali kwi?”
11 U mulandu ci uno nkuculila?
U mulandu ci uno njelile ni ntazi yii?
Namaloleelanga Leza,Ndamulumbanya pano ali Kapususya Wane Umukalamba nupya Leza wane.
