Isamu 44:1-26
Ku mukalamba wakwe ya kiimba. Lwimbo luno ya mwana Kola imvile. Masikiu.*
44 We Leza, tuvwa na matwi itu,Ivikolwe vitu vyatunena,Vino wacisile umu manda yao,Mu manda ya mpiti sana.
2 Waomvizye ikasa lyako ukuzinga inkoNupya walesile ivikolwe vitu ukwikala umu mpanga ziizi.
Wacimvizye inko nu kuzizinga umu mpanga zyao.
3 Yataposile impanga pa mulandu nu lupanga lwao,Nanti ukucimvya pa mulandu ni kasa lyao.
Lelo a pa mulandu ni kasa lyako ili lunji nu luswepo lwa cinso cako,Pano wayatemilwe.
4 Wewe Mwene wane, we Leza;Nena Yakobo ukumalilila ukucimvya.
5 Tulazinga alwani itu pa mulandu na maka yako;Antu aalatukatukila tulayalyatolela umwi zina lyako.
6 Pano ntataila umu ulapwa wane,Nupya ulupanga lwane lutanga lumpususye.
7 A wewe watupuswisye uku yalwani itu,Wazewanyizye aatupata.
8 Tulalumbanya Leza uwanda onsi,Nupya tulacindika izina lyakwe manda pe. (Selah)
9 Nomba lyene watulekelezya nu kutuzewanya,Nupya usiya uku ulwi na asilika itu.
10 Ukalenga ukuti twapuuka alwani itu;Aatupata yakasenda vyonsi vino yakulonda.
11 Ukaleka alwani itu yatukoma wa mfwele;Watusalanganya umu nko.
12 Ukakazya antu yako pa mutengo unono;Usizanamo icili consi nga wayakazya.
13 Ukaleka ainamupalamano itu yatuseka,Antu aatuzinguluka yakatutumfya nu kutusoweka.
14 Ukaleka antu amu nko yatutumfyaNu kuleka antu yapukunya imitwe pa mulandu witu.
15 Nkayuvwa ukuzewana uwanda onsi,Nupya nkatonta pa mulandu ni nsonyi.
16 Pa mulandu ni mitumfyo yao ni ntusi,Na pa mulandu wa mulwani witu aakalandula.
17 Vyonsi vii iviza pali sweswe, lelo tutaakwilila,Nupya tutaatama upangano wako.
18 Imyenzo itu itapumbuka;Ni ngazo zitu zitafuma umu nzila yako.
19 Watutusyunolela muno ya nkusa yakaikala;Watutuvimba ni mfinzi ikalamba.
20 Ndi cakuti twilila izina lyakwe Leza wituNanti ndi cakuti twapepapo kuli leza muze,
21 Uzye Leza atalamanya?
Wamanya ivyaya umu mwenzo.
22 Pa mulandu wakuti sweswe antu yako tukakomwa cila wanda;Tukalolwa wa mfwele zino yakutwala umu kukoma.
23 Katuka. U mulandu ci uno watutwalilila ukukasula, we Yeova?
Zyuka! Utatwalilila ukutulekelezya manda pe.
24 U mulandu ci uno ukafisila icinso cako?
U mulandu ci uno ukaililila vino tukacula nu kucuziwa?
25 Pano iyatuponya umu lukungu;Imili itu yatititikiziwa pansi.
26 Katuka pakuti utwazwe!
Tupususye pa mulandu nu kutemwa kwako ukwa cumi.
Mafutunoti
^ Lolini Ulondolozi wa Mazwi.
