Isamu 46:1-11
Ku mukalamba wakwe ya kiimba. Lwimbo luno ya mwana Kola iimvile. Ukulingana ni mimbiile yakwe Alamoti.* Lwimbo.
46 Leza ali kacingilila witu nupya ali maka itu,Aliwe akatwazwa lyonsi umu nsita ya ntazi.
2 Ali mulandu uno tutaluvwila intete nanti insi ingasenuka,Nanti imyamba yaponela muli yemba,
3 Nanti sile amanzi ya muli yemba yangapooma nu kupanga maimbi,Nanti sile amawe ya mu myamba yangasela pa mulandu na maimbi ya pali yemba. (Selah)
4 Kwaya uluzi umwafuma utunguzi utunono ulukalenga umusumba wakwe Leza ukusansamuka,Cikuulwa ca muzilo icikalamba ca wa Papelapela.
5 Leza waya umu musumba; utanga ononwe;
Leza alaupususya pa macaca.
6 Inko zyali umu cimvulunganya, mawene yononyilwe;Wakatwisye izwi lyakwe, nupya insi yasungulwike.
7 Yeova wa maumba ali naswe;Leza wakwe Yakobo ali mwakufisama mwitu mucingililwe. (Selah)
8 Izini mulole imilimo yakwe Yeova,Vino wacita ivintu vya kuzungusya pano nsi.
9 Akusisyapo inkondo umu nsi yonsi.
Akaonona maulapwa nu kuvunola masumo;Akaoca maceleta ya nkondo.
10 “Zumilini nu kumanya ukuti nene Leza.
Ndacindamikwa umu nko;Ndacindamikwa umu nsi.”
11 Yeova wa maumba ali naswe;Leza wakwe Yakobo ali mwakufisama mwitu umucingililwe. (Selah)
Mafutunoti
^ Lolini Ulondolozi wa Mazwi.
