Isamu 48:1-14
Lwimbo. Lwimbo luno ya mwana Kola iimvile.
48 Yeova u mukalamba nupya akalondekwa ukulumbanyiziwa sanaUmu musumba wakwe Leza witu, mu mwamba wakwe uwa muzilo.
2 Umwamba wa Zioni uwayela uku katutu wayemba nupya watumpuka,Ukalenga antu mu nsi yonsi ukuya ni nsansa.A payela umusumba wa Mwene Mukalamba.
3 Mu malinga atali amu musumba kwene uuwo,Leza walenga cimanyikwe ukuti wene ali mwakufisama umucingililwe.
4 Lolini! Aene iyakolongana;Yakupitila pamwi pakuti yakalwisye umusumba.
5 Lino yaweni umusumba, yazungwike.
Yuvwile intete nupya yutwike ala yakuzakaza.
6 Intete zyayalemile papa kwene,Yuvwile ukali kwati umwanaci aali pa kupaapa.
7 Waomvizye umuza wa ku ufumondaka pa konona ivimawato vya ku Tasyisyi.
8 Vino tuvwile avino ituilolela sweinecoMu musumba wakwe Yeova wa maumba, mu musumba wakwe Leza witu.
Leza alacingilila umusumba uu manda pe. (Selah)
9 Tukaelenganya sana pa kutemwa kwako ukwa cumi we Leza,Umwi tempele lyako.
10 Wakwe vino caya ukwi zina lyako we LezaUkalumbanyiziwa ukufika konsi kuno insi yapelela.
Ikasa lyako ilya kwi lunji lyazulamo ulungami.
11 Si umwamba wa Zioni usansamuke,Si misumba inono iya mu Yuda isansamuke pa mulandu nu upinguzi wako.
12 Zingulukini Zioni; zingulukini Zioni wensi;Pendini malinga aayamo.
13 Ikisyini mano uku viumba ivyayamo.
Ceecetini malinga aayamo,Pakuti mungaca munene inkulo iziliza uku nkoleelo.
14 Pano Leza wii a Leza witu manda pe.
Alaatutungulula manda pe.
