Isamu 49:1-20
Ku mukalamba wakwe ya kiimba. Lwimbo luno ya mwana Kola imvile.
49 Mwe yantu mwensi, uvwini kuno.
Kutikisyini mwensi, mwemuno mukaikala umu nsi,
2 Mwensi mwe ya papela na apansi,Aakankala na apiina.
3 Umulomo wane ulalanda ivya mano,Nupya melenganyo ya mwenzo wane yalalanga ukwiluka.
4 Ndika mano ukwi pinda;Ndacoleka kacole ukuomvya izeeze.
5 Uzye i cani cino ninguvwila intete umu nsita ya ntazi,Lino inzingulukwa ni viipe vya yantu aakulonda ukunkoma?
6 Aataila ivyuma vyaoNupya aakayuvwa pa mulandu nu ukankala wao,
7 Kusi nanti awenga pali yayo aangakulula umwinaNanti aangapeela ilambo kuli Leza pakuti umwina akululwe,
8 (Ilambo lino yangapeela pa umi wao lyakoma sana umutengoYatanga yakwanisye ukupeela ilambo lilyo);
9 Pakuti atwalilile ukuya nu umi nu kukanafwa.
10 Akalola ukuti na antu kwene aamano yakafwa;Kumwi na antu atumpe na awelewele,Nupya yakasya ivyuma vyao kuli yauze.
11 Ipange lyao i lyakuti mang’anda yao yace ikalilile manda pe,Na matenti yao yace yatwalilile uku nkulo ni nkulo.
Yatemela incende zyao mazina yao.
12 Nanti cakuti umuntu wacindikwa, atalatwalilila ukuya nu umi;Ataacindama ukucila ivilyanyi ivikafwa.
13 Vikwene avino atumpe yakacitaKumwi na yonsi aakayalondela, aakazangila umu mazwi yao aa sile sile. (Selah)
14 Yalafwa wa mfwele izikuya umu kukomwa.
Imfwa ilayacema;Alungami yalayateeka umu nsita ya katondo.
Yalata ukuyapo;Ilindi lilaya ali ng’anda yao ukucila isano.
15 Lelo Leza alankulula uku maka yi Lindi,*Pano alantola nu kunsakamala. (Selah)
16 Utuvwa intete pa mulandu wakuti umuntu wataya sana ni cuma,Nanti pa mulandu wakuti ucindami wa ng’anda yakwe iukulilako,
17 Pano nga wafwa atalasenda icili consi;Atalasenda ucindami wakwe.
18 Pano mu nsita ino ali nu umi akailumbanya umwineco.
(Antu yakalumbanya lino uli ni cuma.)
19 Lelo pa cisila akaya pamwi ni nkulo ya vikolwe vyakwe.
Yatalatala yalole uluswepo nupya.
20 Umuntu aasiiluka cii nanti cakuti wacindikwa,Ataacindama ukucila ivilyanyi ivikafwa.
Mafutunoti
^ Mu Ciebele: “Syeo.” Lolini Ulondolozi wa Mazwi.
