Isamu 5:1-12
Ku mukalamba wakwe ya kiimba aimbanga ukuomvya Nehiloti.* Ulwimbo luno Devedi wimvile.
5 Uvwa amazwi yane we Yeova;Ika mano uku ulanda uno nkweti.
2 Ika mano uku kulenga kwane,We Mwene wane nupya Leza wane, pano kuli wewe akuno nkupepa.
3 We Yeova uluvwa izwi lyane katondo;Katondo ndakuneena vino vikunsakamika nu kutwalilila ukuloleela ukuti ungasuke.
4 Pano wewe Leza aasizangila umu viipe;Kusi umwipe ali wensi angatwalilila ukuya naawe.
5 Kusi umuntu wa cilumba aangimilila pa nkoleelo yako.
Wapata yonsi aakacita iviipe;
6 Ulonona aakalanda ivya ufi.
Yeova wapata antu ankalwe nupya aaya nu usomvi.
7 Lelo ndiza umu ng’anda yako pa mulandu nu ukulu wa kutemwa kwako ukwa cumi;Ndafukama ukulozya ukwi tempele lyako ilya muzilo pa mulandu nu mucinzi uno nakukwatila.
8 Ntungulule we Yeova umu ulungami wako pa mulandu na alwani yane;Ngavwe ukupita umu nzila yako ukwaula ivya kuncinga.
9 Pano pasi vino yakalanda ivingatailwa;Umu myenzo yao mwaya sile iviipe;Imikolomilo yao yaya wa malindi ayulike;Indimi zyao i zya usomvi.
10 Nomba Leza alayapeela umulandu;Amapange yao yalalenga yononwe.
Si kayafumiziwepo pa mulandu ni vintu ivingi viipe vino yakacita,Pano iyakupondokela.
11 Lelo yonsi aakafisama muli wewe yalasansamuka;Yalaapunda nu luzango lyonsi.
Ulayacingilila.Nupya yonsi aatemwa izina lyako yalasansamukila muli wewe.
12 Pano ulapaala umuntu wensi umulungame we Yeova;Ulayalanga ukutemwa nu kuyacingilila wa cisyangu icikalamba.
Mafutunoti
^ Lolini Ulondolozi wa Mazwi.