Isamu 52:1-9
Ku mukalamba wakwe ya kiimba. Masikiu.* Lwimbo luno Devedi wimvile. Lino Doegi Umwina Edomu waile anena Saulo ukuti Devedi waile uku ng’anda yakwe Aimeleki.
52 U mulandu ci uno ukayuvwila pa viipe vino ukacita we wa maka?
Ukutemwa kwakwe Leza ukwa cumi kukatwalilila ukuyako insita yonsi.
2 Lulimi lwako lwakalipa wa kaleza,Lukapanga ukucita iviipe nupya lukabepa.
3 Watemwa iviipe ukucila ivisuma,Ukabepa ukucila ukulanda ivilungame. (Selah)
4 Watemwa mazwi ya kucisa,We lulimi lwa ufi!
5 Ali mulandu uno Leza alakuponyezya pansi manda pe;Alakufumya umwi tenti lyako;Nupya alakufumya umu mpanga umwaya antu aa umi. (Selah)
6 Alungame yalalola ivilacitika nupya yaluvwa intete,Nupya yalamuseka.
7 Yalalanda yati: “Wikwene ali muntu aatafisamanga muli Leza,Wataile umu vyuma vyakwe ivingiNupya wataile mapange yakwe aipe.”
8 Lelo nemo ndaya wa muolivi uuvunde umu ng’anda yakwe Leza;Nataile umu kutemwa kwa cumi kwakwe Leza manda pe.
9 Ndakulumbanya manda pe pa mulandu wakuti wacitapo cimwi;Pa nkoleelo ya yantu yako aa cisinka,Ndataila umwi zina lyako pano i lisuma.
Mafutunoti
^ Lolini Ulondolozi wa Mazwi.