Isamu 56:1-13
Ku mukalamba wakwe ya kiimba; lwimbo ulukulanda ukuti “Inkunda Iili Ukutali Iisikulila.” Ulwimbo luno Devedi wimvile. Mikitamu.* Lino Aina Filisti yalemile Devedi umu Gati.
56 We Leza si nguvwile uluse pano umuntu umwina kufwa akunzanza.
Uwanda onsi yakandwisya nu kuncuzya.
2 Alwani yane yakancuzya uwanda onsi;Antu aingi yakandwisya cilumba cilumba.
3 Lino nuvwa intete nkataila wewe.
4 Nkalumbanya Leza, uwalaya ivilacitika uku nkoleeloNataila Leza; nsiuvwa intete.
I vyani vino umuntu angancita?
5 Cila wanda yakancuzya;Yakaelenganya sile pa kuncitila iciipe.
6 Yakanteyamila pakuti yanzanze;Yakandondelezya monsi muno nkupita,Pano yakalonda ukunkoma.
7 We Leza uyakane pa mulandu ni vicitwa vyao iviipe.
Uonone inko pa mulandu nu ukali wako.
8 Ukamanya imipitile yane yonsi.
Sunga minsozi yane umu nyambi yako.
Uzye yatalembwa umwi buku lyako?
9 Alwani yane yalutuka pa wanda uno ndalenga uwazwilizyo.
Nasininkizya ukuti Leza waya nani.
10 Nkalumbanya Leza uwalaya ivilacitika uku nkoleeloNkalumbanya Yeova uwalaya ivilacitika uku nkoleelo
11 Nataila Leza; nsiuvwa intete.
I vyani vino umuntu angancita?
12 Indapa imilapo kuli wewe, we Leza;Ndakutaizya.
13 Pano watumpususya uku mfwaNupya watucingilila ingazo zyane pakuti zitapumika,Pakuti impite pa nkoleelo yako we Leza, umu luswepo lwa yantu ya umi.
Mafutunoti
^ Lolini Ulondolozi wa Mazwi.
