Isamu 57:1-11
Ku mukalamba wakwe ya kiimba; lwimbo ulukulanda ukuti “Utonona.” Lwimbo luno Devedi wimvile. Mikitamu.* Lino utwike Saulo nu kuya umwi cele.
57 Nguvwile uluse we Leza, nguvwile uluse,Pano nkafisama muli wewe,Nupya umu cisaao ca maapa yako amuno nkafisama ukufikila lino intazi zyapita.
2 Nkalilila kuli Leza wa Papelapela,Kuli Leza wa cumi aakamala intazi zyane.
3 Alangazwa ukufuma ukwi yulu nu kumpususya.
Alavulunganya aakancuzya. (Selah)
Alandanga ukutemwa kwa cumi nupya alaya ni cisinka kuli nene.
4 Inzingulukwa na ya cisama;Nkalaala pamwi na antu aakalonda ukunkoma,Yano mino yao yaya kwati a masumo ni ncetoNupya yano indimi zyao zyakalipa kwati ulupanga.
5 Ucindamikwe pa mayulu, we Leza,Si ululumbi lwako luye umu nsi yonsi.
6 Yanteya isumbo pakuti ningalemya makulu;Indi nu ulanda pa mulandu ni ntazi.
Yanjimbila iciwina pa nkoleelo yane,Lelo aliyo kwene aakaponelamo. (Selah)
7 Umwenzo wane u wa cisinka, we Leza,Umwenzo wane u wa cisinka.
Ndiimba nu kupanga inyimbo.
8 Katuka we lulumbi lwane.
Katuka we cilimba ca nsale; naawe kwene we zeeze.
Namakatusya macaca.
9 Ndakulumbanya we Yeova api umba lya yantu;Ndakwimbila inyimbo zya kukulumbanya pa yantu ya mu nko.
10 Pano ukutemwa kwako ukwa cumi u kukalamba, kwatalimpa wa mayulu,Nupya ucisinka wako wafika umu lwelele.
11 Ucindamikwe pa mayulu, we Leza;Si ululumbi lwako luye umu nsi yonsi.
Mafutunoti
^ Lolini Ulondolozi wa Mazwi.
