Isamu 59:1-17
Ku mukalamba wakwe ya kiimba; lwimbo ulukulanda ukuti “Utonona.” Lwimbo luno Devedi wimvile. Mikitamu.* Lino Saulo watumile aakuyalinda ing’anda yakwe Devedi pakuti yamukome.
59 Mpususye uku yalwani yane, we Leza;Ncingilile kuli yano yakunkatukila.
2 Mpokolole uku yantu aakacita iviipe,Nupya mpususye uku yantu aankalwe.
3 Si lola! Iyanteyamila;Antu aamaka yakunzanzaAsi pa mulandu wakuti naluvyanya nanti nayembuka, we Yeova.
4 Nanti cakuti ntaluvyanya cimwi, yakasimula nu kuipekanya ukuzanza.
Ndi cakuti nalilila kuli wewe, uwakatuka pakuti wangazwa nu kulola vino yakucita.
5 Pano wemo we Yeova Leza wa maumba wewe Leza wa Ina Izlaeli.
Katuka nu kwika mano uku nko zyonsi.
Utaya nu luse kuli cipondoka ali wensi. (Selah)
6 Yakawela lyonsi manguzi;Yakaosa wakwe ya simbwa nu kupitana umu musumba.
7 Lola vino yakafumya umu milomo yao;Milomo yao yaya wakwe ya panga,Pano yakati: “Uzye a weni aakukutika?”
8 Nomba wemo we Yeova ulayaseka;Ulaseka amu nko zyonsi.
9 We ntulo ya maka yane, ndatwalilila ukulolekesya kuli wewe;Pano we Leza wewe uuli mwakufisama mwane umucingililwe.
10 Leza aakandanga ukutemwa kwa cumi alampususya;Alaleka ukuti indole kuno alwani yane yakucimviwa.
11 Utakayakome pakuti antu yane yatakilile.
Ukaomvye maka yako nu kuleka ukuti yapitana;We Yeova we cisyangu citu ukaleke yakacimviwe.
12 Pano yakayembuka muli vino yakalanda,Si kayaleme pa mulandu ni cilumba cao,Pano yakapontela antu nu kubepa.
13 Si yamale yonsi mu ukali wako;Yamale pakuti yatakatwalilile ukuyako;Leka yamanye ukuti Leza akuteeka ana yakwe Yakobo nu kufika na kuno insi yapela. (Selah)
14 Leka yawele manguzi;Leka yaosa wakwe ya simbwa nu kupitana umu musumba.
15 Leka yalulumba pakuti yaalonda ivyakuti yalye;Utaleka yaikuta nanti ukuzana incende umwakwikala.
16 Lelo nemo ndimba pa maka yako;Katondo ndaamanyisya antu pa kutemwa kwako ukwa cumi.
Pano wewe uli incende yane iya kufisamamo iicingililweNupya wewe uli ncende ino nkautukilako umu nsita ya ntazi.
17 We ntulo ya maka yane, ndakwimbila inyimbo zya ku kulumbanya,Pano we Leza wewe uuli mwakufisama mwane umucingililwe, wewe ukandanga ukutemwa kwa cumi.
Mafutunoti
^ Lolini Ulondolozi wa Mazwi.
