Isamu 60:1-12
Ku mukalamba wakwe ya kiimba; lwimbo ulukulanda ukuti “Iluwa Lya Kwiusizyako.” Mikitamu.* Lwimbo luno Devedi wimvile. Ulwa kuomvya pa kusambilizya. Lino walwile na Alamuna-halahim na Alamu-Zoba, nupya Yoabu wawezile nu kukoma Ina Edomu 12,000 mu Mukonko wa Musilya.
60 We Leza watukanyile; ononyile umwakwikala mwitu umucingililwe.
Watusokiile; nomba lyene tupokelele!
2 Walenzile insi ukutenkana; wailepwile pakasi.
Zifya imilale ya nsi, pano insi ikupona.
3 Walenzile antu yako ukucula uku ntazi.
Watulenzile ukumwa waini aakalenga twapempezyoka.
4 Peela icimanyililo kuli yano yakakoopaPakuti yangutuka ulapwa. (Selah)
5 Pakuti antu yano watemwa yapusuke,Tupususye ukuomvya ikasa lyako ilya kwi lunji nu kutwasuka.
6 Leza watalanda muli umuzilo wakwe ati:
“Ndasansamuka pa kupeela Syekemu ukuya ica upyanyi,Nupya ndapima umukonko wa Sukoti.
7 Gilyadi u wane wakwe vino caya na kuli Manase,Na Efulemu i cisote cane;Yuda nawe iintuwa ya mukalamba wa yasilika yane.
8 Moabu a beseni wane uwa kufulalilamo.
Ndasumba indyatu zyane pali Edomu.
Ndapunda ni nsansa pano ndacimvya Filisti.”
9 A weni alantwala uku musumba uukuulililwe ni linga?
A weni alantungulula ukufika uku Edomu?
10 Uzye asi wewe we Leza wemuno watukaana,We Leza witu wemuno wata ukupita na asilika itu?
11 Twazwe umu ntazi zitu,Pano ukupususya kwa yantu u kwa sile sile.
12 Tulakwata maka pa mulandu na Leza,Nupya alalyatola alwani itu.
Mafutunoti
^ Lolini Ulondolozi wa Mazwi.
