Isamu 63:1-11
Lwimbo luno Devedi wimvile lino wali umu lwanga lwa mu Yuda.
63 We Leza wewe uuli Leza wane, nkatwalilila ukulolekesya kuli wewe,
Nkukulondesya.
Nkukuluuka sanaMu mpanga iyume nupya ilangoke, umutaaya manzi.
2 Fwandi nakulola umu ncende ya muzilo;Nalola maka yako nu lulumbi lwako.
3 Pa mulandu wakuti ukutemwa kwako ukwa cumi kwazipa ukucila umi,Milomo yane ilakulumbanya.
4 Fwandi ndakulumbanya umi wane onsi;Ndakatusya makasa umwi zina lyako.
5 Inikuta pa mulandu ni vintu visuma sana,Fwandi akanwa kane kalakulumbanya ni nsansa.
6 Nkakwiusya lino indi pa bedi;Nkakwelenganyapo usiku onsi.
7 Pano wewe kaazwa wane,Nupya nkapunda nu luzango lino indi umu cisaao ca maapa yako.
8 Nkaya naawe lyonsi;Ikasa lyako ili lunji likatwalilila ukundema.
9 Lelo antu aakalonda ukunkomaYalatentemukila umwi lindi.
10 Yalakomwa uku lupanga;Yalaya i vyakulya vyakwe ya nkusa.
11 Lelo umwene alasansamukila muli Leza.
Umuntu wensi aakalapila umulapo umwi zina lyakwe Leza alasansamuka,Pano Leza alalenga utunwa twakwe yano yakabepa ukuya mya.
