Isamu 64:1-10
-
Kucingililwa uku kuzanza kwa mu umfisolo
-
“Leza alayalasa” (7)
-
Ku Mukalamba wakwe ya kiimba. Lwimbo luno Devedi wimvile.
64 We Leza si uvwa ukupaapata kwane.
Ncingilile kuli vino alwani yane yakangofya.
2 Ncingilile uku mapange ya yantu aipe,Nu kwi umba lyakwe ya kacita ya viipe.
3 Yakanyola indimi zyao wa lupanga;Yakalasa wa nceto ukuomvya mazwi yao aipe,
4 Pakuti yalase umuntu uwa kaele ukufuma umu ncende zyao izya kufisamamo;Yakamulasa ukwaula ukwenekela nupya ukwaula intete.
5 Yakakomelezyanya ukucita iviipe;Yakalanzyanya pali vino yamafisa iviteyo vyao.
Yakalanda ukuti: “A weni amavilola?”
6 Yakalonda inzila izipya izya kucitilamo iviipe;Yakapanga ivya kucita ivya ucenjezi umu nkama;Imyelenganyizizye yakwe cila muntu itamanyikwa.
7 Lelo Leza alayalasa;Ukwaula ukwenekela alayacisa nu luceto.
8 Indimi zyao kwene zilayalenga ukupona;Yonsi aalalolako yalapukunya imitwe ni misuula.
9 Lyene antu yonsi yaluvwa intete,Nupya yalalanda pali vino Leza watacita,Nu kwiluka vino wacita.
10 Umulungami alasansamukila muli Yeova nu kufisama muli aliwe;Yonsi alungame umu myenzo yalasansamuka.
