Isamu 66:1-20
Ku mukalamba wakwe ya kiimba. Lwimbo.
66 Pundini kuli Leza ni nsansa mwe yantu yonsi amu nsi.
2 Imbini inyimbo izya kulumbanya izina lyakwe ilya lulumbi.
Mucindikini nu kumulumbanya.
3 Landini kuli Leza muti: “Iyee mwe vino imilimo yako yaya iyakuzungusya!
Pa mulandu na maka yako akalamba,Alwani yako yaliza kuli wewe ala yakuzakaza.
4 Antu yonsi amu nsi yalakufukamila;Yalimba inyimbo zya kukulumbanya;Yalimba inyimbo zya kulumbanya izina lyako.” (Selah)
5 Izini mulole imilimo yakwe Leza.
Vino akacitila ana ya yantu i vyakuzungusya.
6 Wasangwile yemba ukuya umusili uume;Yalamvile uluzi pa ngazo.
Pa nsita iiya twasansamukiile muli aliwe.
7 Akaateeka manda pe ku maka yakwe.
Manso yakwe yakalolekesya antu ya mu nko.
Antu aaya ni cilumba yatalinzile ukuicindamika. (Selah)
8 Lumbanyini Leza witu mwe yantu mwe,Nupya lekini iciunda ca kumulumbanya cuvwike.
9 Akaleka ukuti tutwalilile ukuya nu umi;Asileka ingazo zitu ukupumika.
10 Pano watutuceeceta we Leza;Wakwe vino siuva akaengululwa, avino watutwengulula.
11 Watwingizye umwi sumbo;Nupya watwilikizye ni visendo ivinyome.
12 Walesile umuntu umwina kufwa ukupita pali sweswe;Twapisile umu moto nu mu manzi;Lyene watuleesile uku ncende ya kupuuzilako.
13 Indiza umu ng’anda yako na malambo ya koca apuma;Indafikilizya imilapo yane kuli wewe
14 Ino imilomo yane yalavileNupya ino kanwa kane kalanzile lino naculanga.
15 Ndapeela malambo ya koca aanyama zya mafuta kuli weweKumwi ni cunsi ca malambo yakwe ya suuku.
Ndapeela ya cipambasi pamwi na ya sawe. (Selah)
16 Izini muvwe mwensi mwe muno mukatiina Leza,Namamunena vino wancitila.
17 Naliliile kuli aliwe ukuomvya kanwa kaneNupya namulumbanyizye ukuomvya ululimi lwane.
18 Ndi cakuti insunga iviiipe ivili vyonsi umu mwenzo wane,Yeova nga atanguvwile.
19 Lelo Leza wanguvwile;Wisile amano ukwi pepo lyane.
20 Lulumbi luye kuli Leza aataakanyile ukuvwa ipepo lyaneNanti ukukana ukuya nu kutemwa kwa cumi kuli nene.
