Isamu 69:1-36
Ku mukalamba wakwe ya kiimba; “Lwimbo Lwa pa Maluwa.” Lwimbo luno Devedi wimvile.
69 Mpususye we Leza, pano manzi yali umupipi nu kunkoma.
2 Intuwila umu matipa azike muno musi umusili.
Intuwila umu manzi aazike.Nupya kaluzi ka mukuku ikansenda.
3 Intonta pa mulandu nu kupunda.Pa nsingo iipuma.
Manso iyatonta pa mulandu nu kuloleela Leza wane.
4 Aampata apaula umulanduAaingi sana ukucila inyele zya ku mutwe wane.
Antu aakalonda ukunkoma,Kuli kuti alwani yane acenjenzi, iiyavulisya.
Yaampatikiizye ukulipila apa vintu vino ntiiya.
5 We Leza, wamanya uwelewele wane.Nupya umulandu wane utafisama kuli wewe.
6 Leka aakataila muli wewe yataya ni nsonyi pa mulandu wane,We Mwene wa Papelapela, Yeova wa maumba.
Leka aakakulonda yatazewana pa mulandu wane,We Leza wa Ina Izlaeli.
7 Nkupontelwa pa mulandu wako;Insonyi izindema.
8 Inja wa muntu aatamanyikwe uku ina yane,Wa muntu wa ku mpanga yuze kuli ya mwana mayo.
9 Kucincila kwa pa ng’anda yako iikundya,Nupya umuzewanya wa yantu akakuzewanya iwiza pali nene.
10 Lino naicefizye nu kuta ukulya,*Yampontiile.
11 Lino natandike ukuzwala masaaka,Antu yatandike ukuntumfya.
12 Aakaikala pa mpongolo ya musumba yakulanda pali nene,Nupya ya cakolwa yakwimba inyimbo pali nene.
13 Lelo si leka ipepo lyane lize kuli wewe,We Yeova pa nsita ilinge.
Pa mulandu wakuti wavulisya ukutemwa kwa cumi, we Leza,Ngasuke nu kulanga ukuti wewe kapususya wane uwa cisinka.
14 Mpususye ukufuma umu matipa;Utaleka intuwile.
Mpususye uku yantu aampataNu ku manzi azike.
15 Utaleka mulamba uwa mukuku ansende,Nupya utaleka mponele umu manzi azike,Nanti ukuleka inziikwe umu ciwina.
16 Ngasuke we Yeova, pano ukutemwa kwako ukwa cumi u kusuma.
Piliukila kuli nene kulingana nu luse lwako ulukalamba,
17 Nupya utafisa icinso cako kuli nene ne muomvi wako.
Ngasuke zuwa pano indi ni ntazi.
18 Iza umupipi nani nu kumpususya;Nkulule pa mulandu na alwani yane.
19 Wamanya vino nkapontelwa, vino nkasaalulwa na vino nkazewana.
Ukalola alwani yane yonsi.
20 Kupontelwa ukundetela ulanda nupya ukundenga ukuya ni cilonda icisipola.
Nalondanga uwa kunguvwila uluse nomba ntazanyile nanti awenga,Nalondanga aakuntekezya lelo ntazanyile nanti aumwi.
21 Nomba lino nuvwile inzala yampeezile poizoni,Nupya lino nuvwile ulusala yampeezile ivyakumwa ivikantuke.
22 Leka umutebeto* wao uye iciteyo kuli aliyo,Nu ukankala wao uye ulukose.
23 Leka manso yao yaye umu mfinzi pakuti yataalola,Nupya leka intungu zyao zyazakaza lyonsi.
24 Yapongolwele icipyu cako,Nupya ukali wako uyacimvye.
25 Leka inkambi yao isyale ukwaula antu;Leka umu matenti yao musyale ukwaula antu.
26 Pano yakazinga nu muntu wino wacisa,Nupya yakatwalilila ukulanda pa kuwaika kwa yantu yano wacisa.
27 Ulunde imilandu pa milandu yao,Nupya yatakwata icilambu icili consi mu ulungami wako.
28 Leka yafuutwe umwi buku lya umi,Nupya yatalembwa pa yalungami.
29 Nkucula nupya nkuvwa ukuwaika,
Si leka amaka yako aakupususya we Leza yancingilile.
30 Indiimba inyimbo izya kulumbanya izina lyakwe Leza,Nupya ndamucindika nu kumutaizya.
31 Cii cilazanzya Yeova ukucila ilambo lyakwe cipambasi,Ukucila cipambasi uwa mpembe ni nkamba.
32 Aafuuke yalalolako nupya yalasansamuka.
Mwemuno mukalonda Leza, lekini imyenzo inu ikomeleziwe.
33 Pano Yeova akakutika uku yapiina,Nupya atalasuula antu yakwe asendwa umu uzya.
34 Lekini iyulu ni insi vimulumbanye,Na yayemba kwene kumwi na vyonsi ivikapitamo.
35 Pano Leza alapususya ZioniNupya alakuula cipya cipya imisumba yakwe Yuda,Na antu yakwe yalatola impanga iiyo nu kutandika ukwikalamo.
36 Ana ya yaomvi yakwe yalapyana impanga iiyo,Nupya atemwa izina lyakwe yalikalamo.
