Isamu 7:1-17
-
Yeova a Kapingula umulungame
-
“We Yeova mpingule” (8)
-
Ulwimbo lwa kuloosya lwakwe Devedi, luno wimbiile Yeova ukulozya uku mazwi yakwe Kusyi Umwina Benjamini.
7 We Yeova Leza wane, muli wewe amuno nkafisama.
Mpususye uku yantu yonsi yaa aakancuzya nupya unkulule.
2 Nga asi vivyo yamansandoola wakwe vino cisama akacita,Nu kunsenda ukwaula uwa kumpususya.
3 We Yeova Leza wane ndi cakuti naluvyanya vimwi,Nupya ndi cakuti nafyenga umwi,
4 Ndi cakuti naluvyanya umwi aakuncitila icisuma,Nanti ndi cakuti napoka umulwani wane vimwi ukwaula umulandu,
5 Si leka umulwani aanzinganye nu kundema;Amponye pansi nu kunkomaNu kulenga ucindami wane ulowe umu masenga. (Selah)
6 We Yeova katuka umu ukali wako;Imilila nu kulwisya aalwani yane aali ni cipyu;Katuka pakuti ungazwe nu kulanda ukuti paye umulinganya.
7 Leka antu amu nko yakuzinguluke;Nupya umayalwisya ukufuma ukwi yulu.
8 Yeova alapingula antu.
We Yeova mpingule ukulingana nu ulungami waneNu kulingana na ukaele wane.
9 Si lesya iviipe vino antu yakucita.
Nu kuleka ukuti kuye ulungami,Pa mulandu wakuti wewe Leza umulungame aakaceceta imyenzo na vino umuntu akwelenganya.
10 Leza ali cisyangu cane, kapususya wa yantu alungame umu myenzo.
11 Leza a Kapingula umulungame,Nupya akapingula antu aaipe cila wanda.
12 Ndi cakuti umwi wakana ukulapila, Leza akanyola ulupanga lwakwe;Akaendamika ulapwa nu kuupekanya.
13 Akapekanya ivyanzo vyakwe ivya kukomelako;Akapekanya inceto zyakwe izya moto.
14 Lolekesya pa muntu aakupanga ukucita iviipe;Akakwata intazi wakwe vino umuntu akakwata ana nupya akalanda ivya ufi.
15 Akaimba iciwina nupya akaleka ukuti cizike,Lelo akaponelamo umwineco.
16 Iviipe vino akacita vilamuwelela;Unkalwe wakwe ulaponela pa mutwe wakwe.
17 Ndalumbanya Yeova pa mulinganya wakwe;Ndimba inyimbo zya kulumbanya izina lyakwe Yeova Uwa Papelapela.
