Isamu 71:1-24
71 Muli wewe we Yeova amuno nkafisama.
Utaleka ukuti nzewane.
2 Mpususye pa mulandu nu ulungami wako.
Kutika kuli nene nu kumpususya.
3 Uye ilinga lyane likomeLino ningaingilamo lyonsi.
Landa pakuti umpususye,Pano wewe ciliwe cane nupya amuno nkafisama.
4 We Leza wane mpususye ku muntu umwipe,Mpokolole uku muntu wa lufyengo aakuncuzya.
5 Pano nataila muli wewe we Yeova Mwene wa Papelapela;Nataila muli wewe ukufuma uwance wane.
6 Nasintilila pali wewe ukufuma uku kuvyalwa kwane;Wewe wamfumizye umunda yakwe mayo.
Nkakulumbanya lyonsi.
7 Naya wa cizungusyo uku yantu aingi,Lelo wewe uli ncende yane ikome umwa kufisama.
8 Kanwa kane kazulamo mazwi aku kulumbanya;Uwanda onsi nkalanda pa ucindami wako.
9 Utansumba lino nakota;Utandekelezya lino maka yane yasila.
10 Aalwani yane yakalanda iviipe pali nene;Nupya aakulonda ukunkoma yakupangana,
11 Yakuti: “Leza watamulekelezya.
Katumuzinganye nu kumulema pano kusi nanti awenga uwa kumupususya.”
12 We Leza, utatwalilila ukuya ukutali nani.
We Leza wane pitisya ngazwe.
13 Si leka yayo aakundwisyaYaye ni nsonyi nupya yalowe.
Si yayo akulonda ukuti iviipe vincitikileYaye ni nsonyi nupya yazewane.
14 Lelo nemo, ndatwalilila ukuloleela;Ndalundako ukukulumbanya.
15 Kanwa kane kalalanda pa ulungami wako,Uwanda onsi kalalanda pa milimo yako iya kupususya,Nanti cakuti yavulisya sana icakuti ntanga nkwanisye ukuilondolola.
16 Ndiza nu kulanda pa milimo yako iya maka,We Yeova Mwene wa Papelapela;Ndalumbula ulungami wako sile.
17 We Leza, wansambilizya ukufuma uku wance wane,Nupya ukufika na ndakai natwalilila ukulanda pa milimo yako iyakuzungusya.
18 Nanti sile alino nakota nu kukwata imvwi we Leza, utaca undekelezye.
Uce uleke ndande uku nkulo ilalondelelapo apa maka yako.Nu kulanda pali vino wakulisya kuli yayo aliza uku nkoleelo.
19 Ulungami wako we Leza, wakulisya sana;Wacita ivintu vikalamba;We Leza a weni uwaya wakwe wewe?
20 Nanti cakuti walenga ukuti impite umu ntazi izingi nu mu macuzi,Mpeele maka nupya kwene;Nkatusye umu manzi azike amu nsi
21 Si ncindamikeNupya nzinguluke nu kuntekezya.
22 Lyene ndakulumbanya pa cilimba ca nsalePa mulandu na ucisinka wako we Leza wane.
Ndakwimbila izya malumbo ukuomvya izeeze,We wa muzilo wakwe Izlaeli.
23 Imilomo yane ilapunda ni nsansa lino nkukwimbila izya malumbo,Pano watumpususya.
24 Ululimi lwane lulalanda pa ulungami wako uwanda onsi,Pano aakalonda ukunkoma yaluvwa insonyi nu kuzewana.
