Isamu 75:1-10
-
Leza akapingula nu mulinganya
-
Antu aipe yalamwa muli kapu wakwe Yeova (8)
-
Ku mukalamba wakwe ya kiimba. Lwimbo ulukulanda ukuti “Utonona.” Lwimbo luno Asafu wimvile.
75 Tukukutaizya we Leza, tukukutaizya;Izina lyako lyaya umupiipi,Nupya antu yakalanda pa milimo yako iya kuzungusya.
2 Ukalanda ukuti: “Ndi cakuti nasoolola insita,Nkapingula umu mulinganya.
3 Lino insi kumwi na yonsi aakaikalamo vyasungulwike,Nene nalesile ukuti incesi zya nsi zitwalilile ukuyako.” (Selah)
4 Nanenyile akayuvwa inti, “Mutayuvwa,”
Nupya nanenyile aipe inti, “Mutaituumika pa maka yano mwakwata.
5 Mutaitutumula pa maka yano mwakwataNanti ukulanda cilumba cilumba.
6 Pano ucindami usifumaUku ufumondaka nanti uku uwondaka nanti uku kaeya.
7 Pano Leza ali Kapingula,
Akacefya umuntu umwi nu kucindamika umuze.
8 Pano kapu ali umu minwe yakwe Yeova;Waini akufumya itomvwe.
Leza alamupongolola,Nupya antu aipe yonsi aya umu nsi yalamumwa, yatalasyapo nanti atumwi.”
9 Lelo nemo ndalanda pali cii amanda pe;Ndiimbila Leza wakwe Yakobo inyimbo zya kumulumbanya.
10 Pano walanda ukuti: “Ndamala antu yonsi aipe amaka,Lelo maka ya yalungami yalavulilako.”
