Isamu 76:1-12
Ku mukalamba wakwe ya kiimba; kuomvya vilimba vya nsale. Lwimbo luno Asafu wimvile
76 Leza wamanyikwa umu Yuda;Izina lyakwe i likalamba umu Izlaeli.
2 Itenti lyakwe lyaya umu Salemu,Nupya akaikala umu Zioni.
3 Kuuku kwene akuno wakontwile inceto zya ulapwa izikaaka umoto,Kumwi ni cisyangu nu lupanga alino ni vyanzo vya mu ulwi. (Selah)
4 Ukaengesa sana;Wakwatisya amaka ukucila imyamba umwaya inyama zya mpanga.
5 Antu aasipe iyapokwa ivintu vino yaakweti.
Iyalaala utulo;Asilika ya maka yonsi yatakweti uwa kuyazwa.
6 Pa mulandu nu kukalipila kwako we Leza wakwe Yakobo,Yonsi aakapita pa maceleta na akapita pa mfwalasi iyakasula.
7 Wewe sile wenga ukauvwisya intete.
A weni angimilila ndi cakuti wasoka?
8 Wapingwile ukufuma ukwi yulu;Insi yuvwile intete nupya ikazile mya
9 Lino Leza wakatwike nu kupingula,Pakuti apususye aafuuke aya umu nsi. (Selah)
10 Pano ukali wa yantu ulalenga ulumbanyiziwe;Nupya ulaicindamika pa mulandu nu ukali wakwe yano yalasyalako.
11 Mwalapa imilapo kuli Yeova Leza winu nu kuifikilizya,Si yonsi aazinguluka Leza yalete ivya upe vyao ala yali ni ntete.
12 Alalenga ukuti intunguluzi zya cilumba ziicefye;Nupya alalenga aene ya mu nsi ukuvwa intete.
