Isamu 77:1-20
Ku mukalamba wakwe ya kiimba; pali Yedutuni Lwimbo luno Asafu wimvile. Lwimbo.
77 Ndalilila kuli Leza ni izwi lyane;Kuli Leza akuno ndalilila, nawe alanguvwa.
2 Umu nsita ino indi ni ntazi nkalonda Yeova.
Usiku nkakonzolwela makasa yane kuli aliwe ukwaula ukuta.
Nsitekeziwa.
3 Nga niusya Leza, nkateta;Nkasakamikwa nupya maka yakasila. (Selah)
4 Usinzumilizya ukulaala;Nkusakamikwa nupya nsikuvwanga.
5 Nkwelenganya pa manda ya mpiti,Pa myaka ya mpiti sana.
6 Usiku nkaiusya ulwimbo lwane;Nkaelenganya umu mwenzo;Nkalondelezya ningo.
7 Uzye Yeova alatulekelezya manda pe?
Uzye atalatala atuvwile uluse nupya?
8 Uzye ukutemwa kwakwe ukwa cumi kwasila manda pe?
Uzye ulayo wakwe ulaya uwa sile sile ku nkulo zyonsi?
9 Uzye Leza wilila ukulanga uluse,Nanti uzye ukali wakwe iulenga ukuti ate ukuya nu luse? (Selah)
10 Uzye ndinzile ukutwalilila ukulanda inti: “Icikuncuzya aeci:
Uwa Papelapela wataleka ukutwazwa”?
11 Ndaiusya imilimo yakwe Jah;Ndaiusya ivintu vya kuzungusya vino wacisile mpiti.
12 Nupya ndaelenganya pa milimo yako yonsiNu kwelenganya pali vino ukacita.
13 We Leza, inzila zyako i zya muzilo.
We Leza, uzye a leza ci uwakula wakwe wewe?
14 Wewe Leza wa cumi aakacita ivintu vya kuzungusya.
Wasokolola maka yako uku yantu.
15 Pa mulandu na maka yako, wapuswisye antu yako,Wapuswisye ya mwana Yakobo na ya mwana Jozefu. (Selah)
16 Amanzi yakuweni we Leza;Amanzi yakuweni nupya yavulunganyiziwe.
Nupya manzi azike yasosile.
17 Makumbi itulwile manzi.
Iyulu umwali makumbi afiite lyapangalakansizye,Nupya inceto zyako zyasalangine monsi monsi.
18 Iciunda ca kupangalakansya kwako cali kwati imipeto iiceleta;Ukumyantula kwa nkuwa kwakozezizye antu aakaikala umu nsi;Insi yazakize nu kutenkana.
19 Wapisile pali yemba,Nupya inzila yako yapisile mu manzi aingi;Pasi uwaweni muno walyasile.
20 Watungulwile antu yako kwati imfwele,Ala yakusakamalwa na Mose na Aloni.
