Isamu 81:1-16
Ku mukalamba wakwe ya kiimba; pali Gititi* Lwimbo luno Asafu wimvile.
81 Imbilini Leza ni nsansa aakatupeela maka.
Pundini ni nsansa kuli Leza wakwe Yakobo.
2 Tandikini ulwimbo, mutole na kangoma.Ni zeeze kumwi ni cilimba ca nsale.
3 Lizyini penga pa wanda wa kuzevya umwezi upya,Pa wanda uno tukazevya umutebeto witu.
4 Pano isunde lyapeelwa kuli Izlaeli,Isunde lyakwe Leza wakwe Yakobo.
5 Wisileko isunde pakuti liye ica kwiusizyako kuli JozefuLino wapisile umu mpanga ya Ijipti.
Nuvwile izwi lino ntamanyile lyatangi:
6 “Namwisizye icisendo pa ciye;Namuposile basiketi umu makasa.
7 Lino waculanga waliliile kuli nene, nani nakupuswisye;Nakwaswike ukufuma umu kupangalakansya.
Nakwezizye pa manzi ya Meliba.* (Selah)
8 Uvwini mwe yantu yane, nani namamusinila.
We Izlaeli, cingazipa nga uvwile sile kuli nene.
9 Muli mwemwe, mutalatala muye leza wino mutamanya,Nupya mutalafukamila leza muze.
10 Ne Yeova nene Leza winu,Nemuno namufumizye umu mpanga ya Ijipti.
Asamini nani namamuliisya pakuti mwikute.
11 Lelo antu yane yatuvwile ukwi zwi lyane;Izlaeli atanguvwilile.
12 Fwandi nalesile ukuti yalondele imyenzo yao italame;Yacisile vino yalolanga ukuti vili ningo.
13 Nga cazifile antu yane iyuvwa kuli nene,Nga cazifile Aina Izlaeli iyapita umu nzila zyane!
14 Nga nacimvizye zuwa alwani yao;Nupya nga nayalwisizye.
15 Aapata Yeova yalazakaza pa nkoleelo yakwe,Nupya ukufululwa kwao kulaya u kwa manda pe
16 Lelo alamuliisya ingaano izisuma sanaNupya alalenga ukuti mwikute uci wa mu ciliwe.”
