Isamu 84:1-12
Ku mukalamba wakwe ya Kiimba pali Gititi* Lwimbo luno ya mwana Kola iimvile
84 Natemwa sana cikuulwa cako icikalamba ca muzilo,We Yeova wa maumba!
2 Nkuluuka,Nupya nkulondesya sanaukuya umu misolo yakwe Yeova.
Umwenzo nu mwili wane vikupunda ni nsansa kuli Leza wa umi.
3 Nanti sile a kunyi amuno kakazana umwakwikala mu mukweneNa kamimbi amuno kakaipangila icinsanzo,Muno kakasungila utwanaUmupiipi nu lambo wako ukalamba we Yeova wa maumba,Mwene wane nupya Leza wane!
4 Aansansa a yayo akaikala umu ng’anda yako!
Yakatwalilila ukukulumbanya. (Selah)
5 Aansansa aantu yano yakakwata maka ukufuma kuli wewe,Yano imyenzo yao ikalondesya ukuya umu nzila izyalungama ku ng’anda yako.
6 Lino yakupita mu mukonko wa baaka,*yakalenga ncende iiyo ukukwata utufukoka twa manzi;Nupya imvula ya kutandikilako ikatonyezyamo nu kuleta mapaalo.
7 Yalaakwatilapo maka;Cila muntu alalolekela pa nkoleelo yakwe Leza umu Zioni.
8 We Yeova Leza wa maumba, uvwa ipepo lyane;Kutika we Leza wakwe Yakobo. (Selah)
9 We cisyangu citu nupya Leza witu,*Lola pa cinso ca musoololwe wako.
10 Pano ukuya umu misolo yako uwanda onga kwazipa ukucila ukuya kuze imyaka 1,000!
Nasoolola kwimilila pa lwano lwa ng’anda yakwe Leza waneKucila ukwikala mu matenti ya antu aipe.
11 Pano Yeova Leza i lanzi nupya i cisyangu;akapeela uluse nu lulumbi.
Yeova asiima icisumaKu yantu ya kaele
12 We Yeova wa maumba,Uwa nsansa u muntu uwataila muli wewe.
Mafutunoti
^ Lolini Ulondolozi wa Mazwi.
^ Mu mukonko umukamela ivimpuza vya muti uno yakati baaka.
^ Nanti limwi, “lola pa cisyangu citu we Leza.”
