Isamu 85:1-13
Ku mukalamba wakwe ya kiimba. Lwimbo luno ya mwana Kola iimvile.
85 We Yeova, watulanga uluse uku mpanga yako;Wawezya ya mwana Yakobo aasenzilwe umu uzya.
2 Watuweleela ukuluvyanya kwa yantu yako;Welezile imembu zyao zyonsi. (Selah)
3 Utayalanzile ukali wako;Wawezizye cipyu cako.
4 Tuwezye we Leza, kapususya witu,Nupya utiusya vino twakuluvyanya.
5 Uzye ulatwalilila ukutusokela manda pe?
Uzye ulatwalilila nu kali wako ku nkulo ni nkulo?
6 Uzye utalatupeela maka nupyaPakuti antu yako yangasansamukila muli wewe?
7 Tulange ukutemwa kwako ukwa cumi we Yeova,Nupya tupususye.
8 Ndakutika kuli Yeova Leza wa cumi lino akulanda,Pano alalanda ivya mutende ku yantu yakwe, ku ya cisinka yakwe,Lelo atalaleka yatandike kuitaila nupya.
9 Cumi kwene Leza wasya apususye aakamoopa,Pakuti ululumbi lwakwe lungaya umu mpanga itu.
10 Kutemwa kwa cumi na ucisinka vilakomenkana;Ulungami nu mutende vilatonsolana.
11 Ucisinka ulavula umu nsi,Nu ulungami ulalolekesya kufuma ukwi yulu.
12 Yeova alatupeela ivintu visuma,Nupya umu mpanga itu mulaya ivyakulya.
13 Ulungami ulapita pa nkoleelo yakwe,Nupya ulapanga inzila umwakuti apita.
