Isamu 86:1-17
Ipepo lyakwe Devedi.
86 We Yeova uvwa ipepo lyane nupya ungasuke,Nupya ungasuke pano nene mutitikiziwe nupya indi nu landa
2 Ncingilile pano nene wa cisinka.
Mpususye ne muomvi wako ne muno nataila muli wewe,Pano wewe Leza wane.
3 Nguvwile uluse we Yeova,Pano nkalilila kuli wewe uwanda onsi
4 Si leka ne muomvi wako nsansamuke,Pano nasintilila pali wewe we Yeova.
5 Pano we Yeova wewe musuma nupya waipekanya ukweleela;Waya sana nu kutemwa kwa cumi kuli yonsi aakalilila kuli wewe.
6 We Yeova, kutika ukwi pepo lyane;Nupya ika mano ku kupaapata kwane kwa kulenga uwazwilizyo.
7 Nkalilila kuli wewe lino nkucula,Pano ulangasuka.
8 Kutaya Leza uwaya wakwe wewe we Yeova,Kutaya imilimo iyaya wa milimo yako.
9 Inko zyonsi zino wapangaZiliza zifukame kuli wewe we Yeova,Nupya zilalumbanya izina lyako.
10 Pano wemo wakulisya nupya ukacita ivintu vya kuzungusya;Wewe uli Leza wenga sile.
11 Nsambilizye inzila zyako we Yeova.
Leka napita mu cumi cako.
Leka naopa izina lyako nu mwenzo wane onsi.
12 Nkukulumbanya nu mwenzo wane onsi we Yeova Leza wane,Nupya ndalumbanya izina lyako manda pe,
13 Pano ukutemwa kwako ukwa cumi kuno ukandanga u kukalamba,Nupya wampususya ukufuma umwi Lindi.*
14 We Leza antu acilumba iyankatukila;Iumba lya yantu ankalwe likulonda uku nkoma,Nupya yata uku kucindika.
15 Lelo wemo we Yeova, wewe Leza wa luse ni cikuuku aasisoka zuwa,Nupya uwaya sana nu kutemwa kwa cumi ni cisinka.
16 Piliukila kuli nene nu kunguvwila uluse.
Mpeele maka ne muomvi wako,Nupya mpususye ne mwana wa muomvi wako umukazyana.
17 Ndange icilangililo* ca usuma wako,Pakuti aampata yacilole nu kuzewana.
Pano we Yeova wewe kaazwa wane nupya kateekezya wane.
