Isamu 91:1-16
91 Wensi aakaikala umu ncende ifisame ya wa PapelapelaAlikala mu cisaao ca wa Maka Yonsi.
2 Ndanena Yeova inti: “Wewe uuli kacingilila wane nupya mwakufisama mwane,Leza wane wino nataila.”
3 Pano alakupususya kufuma ku lukose lwakwe kateya wa vyunyi,Nu kufuma uku cikuko icikaonona.
4 Alakuviimba na maapa yakwe,Nupya ulafisama umu maapa yakwe.
Ucisinka wakwe ulaya icisyangu cikalamba nupya ciumba ca kukucingilila.
5 Utaloopa ivikaofya usiku,Nanti uluceto ulukaapapuka umusanya,
6 Nanti icinkunka icikasalangana umu mfinziNanti uwononesi ukaonona mu nsita ya musanya.
7 Antu 1,000 yalaponela umupipi naaweNupya antu 10,000 yalaponela ukwi kasa lyako li lunji,Lelo wemo intazi zizyo zitalapalama kuli wewe.
8 Ulalola na manso yakoKuno umwipe akufululwa.
9 Pa mulandu wakuti walanzile uti: “Yeova ali kacingilila wane,”
Watulenga uwa Papelapela ukuya aali mwakwikala mwako;
10 Kusi uzanzo ulakuponelaNupya kusi icikuko iciliiza mupiipi ni tenti lyako
11 Pano alanena ya malaika yakwe,Ukuti yakucingilila monsi muno ukupita
12 Yalakusendela pa minwe yaoPakuti ulwazo lwako lutaca lupume ukwi iwe.
13 Ulapita pali cisama na pali ngosye;Ulalyata pali cisama na pa nzoka ikalamba.
14 Leza walanzile ati: “Pa mulandu wakuti wantemwa ndamupususya.
Ndamucingilila pano wamanya izina lyane.
15 Alangama nani ndamwasuka.
Ndaya nawe mu nsita ya ntazi.
Ndamupususya nu kumucindamika.
16 Ndaleenga ukuti aikale amanda aingi,Nupya ndalenga amanye ukuti nene indi kapususya wakwe.”
