Isamu 92:1-15
Ulwimbo lwa pa wanda wi Sabata.
92 I cisuma uku kutaizya we YeovaNu kwimba inyimbo zya kulumbanya izina lyako, we wa Papelapela,
2 Kulanda pa kutemwa kwako ukwa cumi mu nsita ya katondo.Nu kulanda pali ucisinka wako mu nsita ya usiku,
3 Kwimbila pamwi ni cilimba ca nsale 10,Alino ni ciunda icisuma ici zeeze.
4 Pano watundenga ukusansamuka we Yeova pa mulandu na vino ukacita;Nkapunda ni nsansa pa mulandu ni milimo ya minwe yako.
5 Iye mwe vino imilimo yako yaya ikalamba, we Yeova!
Na vino melenganyo yako yazika!
6 Umuntu aatakwata mano atanga avimanye;Nupya umuntu muwelewele atanga auvwikisye ci:
7 Nanti cakuti aipe yamela wi soteNupya ya kacita ya viipe yavulisya,Yalononwa manda pe.
8 Lelo wemo we Yeova, waya papela manda pe
9 Lola pa kucimviwa kwa yalwani yako we Yeova,Lola vino alwani yako yalalowa;Ya kacita ya viipe yonsi yalasalangana.
10 Lelo wemo ulampeela amaka kwati akwe cipambasi wa mu mpanga;Ndapakala mafuta asuma sana.
11 Ndalola ukucimviwa kwa yalwani yane;Amatwi yane yaluvwa pa kucimviwa kwa yantu aipe aakanzanza.
12 Lelo alungami yalawalula wa kancindu.Nu kukula wa muti wa mukedali wa mu Lebanoni.
13 Yaya wa miti iyaalemwa umu ng’anda yakwe Yeova;Yakawalula mu misolo yakwe Leza witu.
14 Na lino yakota yalatwalilila ukuya akome;Yalatwalilila ukuya na maka nupya atelepe,
15 Yalamanyisya antu ukuti Yeova u mulungami.
I ciliwe cane, wino atakwata lufyengo.
